ورداباسى اۋدانىنداعى شۇبارسۋ اۋىلىندا جەكە ينۆەستور ەسەبىنەن 600 ورىندىق جاڭا «مiras intellectual school» اتتى مەكتەپ اشىلدى، دەپ حابارلايدى Dalanews.kz. تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

ءبىلىم ورداسىنىڭ اشىلۋ سالتاناتىنا اۋدان اكىمى ازات ورالبايەۆ قاتىسىپ، اۋىلدى دامىتۋعا ءوز ۇلەسىن قوسقان ينۆەستورعا العىسىن ءبىلدىردى. سونداي-اق، اۋدان باسشىسى ءوز سوزىندە جاڭا مەكتەپتىڭ اۋىلعا تەك ءبىلىم بەرىپ قانا قويماي، اۋىلدىڭ الەۋمەتتىك دامۋىنا دا سەرپىن بەرەتىنىن اتاپ ءوتتى.

جاڭا مەكتەپتە وقۋشىلاردىڭ ساپالى ءبىلىم الۋى ءۇشىن بارلىق جاعداي جاسالعان. عيماراتتا كەڭ ءارى جارىق وقۋ كابينەتتەرى، سپورت جانە ءماجىلىس زالدارى، كىتاپحانا، پاندىك سىنىپتار، اسحانا مەن دەمالىس ايماقتارى بار. سونىمەن قاتار، مەكتەپتىڭ قاۋىپسىزدىگىن قامتاماسىز ەتۋ ماقساتىندا بەينەباقىلاۋ كامەرالارى مەن ءورت قاۋىپسىزدىك جۇيەسى ورناتىلعان. وقۋشىلاردىڭ سپورتپەن اينالىسۋى ءۇشىن اشىق سپورت الاڭدارى دا بار.