"Ordabasy" klýby kásipker Shahmurat Mútáliptiń ieligine resmi túrde ótti, dep habarlaidy Dalanews.kz.
Shymkent ákimdiginde "Ordabasy" kásibi fýtbol klýbyn jekeshelendirý týraly memorandýmǵa qol qoiyldy. Kelisimge qala ákimi Ǵabit Syzdyqbekov pen Integra Construction KZ JShS basshylyǵy qol qoidy. Memorandým Memleket basshysy Qasym-Jomart Toqaevtyń kásibi fýtbol klýbtaryn jekeshelendirý jáne kommertsiialandyrý jónindegi tapsyrmasy aiasynda júzege asyryldy.
Qala ákimi Ǵabit Syzdyqbekov kásibi sportqa jeke investitsiia tartý fýtbol infraqurylymyn damytýǵa, jas oiynshylardy daiarlaýǵa jáne qalanyń eldegi fýtbol ortalyqtarynyń biri retindegi pozitsiiasyn nyǵaitýǵa jańa múmkindikter ashatynyn atap ótti.
Óz kezeginde Shahmurat Mútálip kompaniia klýbty damytýdy uzaq merzimdi ári áleýmettik mańyzy bar joba retinde qarastyratynyn aitty.
"Ordabasy" – tarihy bai ári jankúierleri myqty qoldaityn klýb. Bizdiń aldymyzda infraqurylymǵa, jas oiynshylardy daiarlaýǵa jáne básekege qabiletti komanda qalyptastyrýǵa basa mán bere otyryp, klýbtyń turaqty damýyn qamtamasyz etý mindeti tur", – dedi ol.
