Túrkistan oblysynda óndiris oryndaryn ashý, ınvestısıa tartýǵa basymdyq berilgen. Oblys ákimdiginiń qoldaýymen aýdan, qala ákimderi men kásipkerler kórshiles elderdiń kásiporyndaryn aralap, ınvestorlarmen kelissózder júrgizip, ol kezdesýler jemisin berýde, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Ordabasy aýdanynda boı kóteretin zaýytta Qytaı eliniń tájirıbesi men joǵary tehnologıasy qoldanylady. Oblys ákimi jobany ýaqtyly júzege asyrý kerektigin aıtty.

– Sheteldiń ozyq tehnologıalaryn meńgerip, batyl sheshimder qabyldaý kerek. Bul zaýyttyń josparlanǵan merzimde ashylýy qadaǵalanady. Jumys isteımin, halyqty jumyspen qamtımyn deıtin ınvestorlar men kásipkerlerimizge qoldaý kórsetiledi, – degen Darhan Satybaldy jańa zaýyttyń ýaqyt kapsýlasyn salý rásimine qatysty.

«Altyn land» JSHS-niń dırektory Bereke Dúısebekov jobaǵa qoldaý kórsetken oblys, aýdan basshylyǵyna alǵysyn bildirdi. Onyń aıtýynsha, qysh zaýytynda zamanaýı tehnologıalr qoldanylady. Jobanyń jalpy quny – 5 mlrd teńge, kásipkerdiń jeke qarjysy jáne nesıe arqyly júzege asyrylady.

Atalǵan zaýytta jylyna 90 mln. dana kirpish, kúnine 250 myń dana kirpish shyǵarylady dep josparlanyp otyr. Osy arqyly jergilikti naryqta ımportty azaıtyp, otandyq ónim kólemin arttyrý kózdelgen. Qazaqstanda teńdesi joq zaýytta jergilikti 70 turǵyn jumyspen qamtylady. Búginde jobanyń JSQ-sy ázirlenýde, QHR-dan qural-jabdyqty jetkizý týraly kelisimshartqa qol qoıylyp, jer tegisteý, irgetasyn quıý jumystary júrip jatyr.