Ordabasy aýdanynda ornalasqan «Baidaýlet» óndiristik jylyjai kesheni qanatyn keńge jaiýda.
Negizi 2014 jyly qalanǵan jylyjai qiiar men qyzanaq óndirýge baǵyttalǵan. Alǵashqyda 0,5 gektar aýmaq jerden bastalǵan keshen, búgingi tańda aýqymy ájeptáýir keńeiip 2,5 gektarǵa jetken eken. Qazirgi kúni munda 9 jumysshy jylyna 60 tonna ónim óndirip keledi.
Aita ketelik jobanyń jalpy quny 15 mln. teńgeni quraidy. Qojalyq direktorynyń atap ótkenindei aldaǵy ýaqytta ónim kólemin 700 tonnaǵa deiin jetkizip, daiyn taýardy Almaty, Qaraǵandy, Óskemen, Pavlodar qalalaryna jóneltý josparlanyp otyr.
Budan buryn aýdandaǵy jumys barysymen tolyqqandy tanysyp shyqqan óńir basshysy Janseiit Túimebaev osynaý sala basshylaryna aýdandaǵy jylyjai sharýashylyǵyn jandandyrýdy tapsyrǵan bolatyn.
«Túrkistan óńiri aýyl sharýashylyǵyna óte qolaily aimaq. Osyny tiimdi paidalanýymyz kerek. Ásirese, zamanaýi tehnologiialardyń kómegimen jylyjai sharýashylyǵyn myqtap qolǵa alsaq, ónim sapasy men kólemi artatyn bolady. Sondyqtan da osy máseleni aýdan, qala basshylaryna únemi aityp kelemin», – degen edi Janseiit Túimebaev.
