16-jeltoqsan – Qazaqstan Respýblikasy Táýelsizdigi kúni merekesine orai Túrkistan oblysynyń ákimi Janseiit Túimebaev Ordabasy aýdanyna arnaiy at basyn buryp, jańa nysandardyń ashylý saltanatyna qatysty.
Sonyń biri – aýdan ortalyǵyndaǵy «Jastar saraiy».
Temirlan aýydyndaǵy eski kinoteatr ǵimaraty jeke menshikten 2014 jyly jergilikti biýdjet esebinen 15 mln. teńgege satyp alynyp, Ordabasy aýdandyq ishki saiasat bóliminiń "Jastar resýrstyq ortalyǵy" kommýnaldyq memlekettik mekemesiniń teńgerimine berilgen. Aýdandyq biýdjet esebinen 2018 jyly 134400,0 myń tengege jóndeý jumystary júrgizildi.
Aýdandyq «Jastar ortalyǵy» kommýnaldyq memlekettik mekemesi 2011 jyly 24 maýsymda aýdan ákiminiń №211 qaýlysyna sáikes, ishki saiasat bóliminiń janynan qurylyp, memlekettik jastar saiasatynyń negizgi baǵyttaryn iske asyrý maqsatynda jumys jasaýda. Ortalyqta 17 jas maman jumys isteidi. Onyń ishinde 10 shattyq birlik 2013 jyly 1 shildeden bastap berilgen. Bul nusqaýshylar ár aýyl okrýgine bekitilgen, aýyl okrýg ákimdikteriniń ǵimaratynda ornalasqan. 2017 jyldyń tamyz aiynan bastap «Áleýmettik psihologiialyq sektor» jastar resýrstyq ortalyǵynan ashylyp jumys júrgizýde. Tehnikalyq bazamen tolyq qamtamasyz etilgen. Jastar ortalyǵynyń direktory – Sailybaev Murat Kenjebekuly.
