Elbasy Nursultan Ábishuly Nazarbaev óziniń kezekti «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynda: «Birligimiz myzǵymasa, yntymaǵymyz ydyramasa, biz úshin alynbaıtyn asý, baǵynbaıtyn beles bolmaıdy» degen-di. Mine, sol birlik pen yntymaqtyń tólsıpaty sanalatyn Ordabasy – tek oblysymyzdyń ǵana emes, respýblıkamyzdaǵy orny erekshe aýdan ekeni barshańyzǵa málim. Tasyn túrtseń tarıhy saıraı jóneletin qasıetti meken búginde zaman kóshine ilesip, ósip-órkendep, damyp keledi.

16-jeltoqsan – Qazaqstan Respýblıkasy Táýelsizdigi kúni merekesine oraı Túrkistan oblysynyń ákimi Janseıit Túımebaev Ordabasy aýdanyna arnaıy at basyn buryp, jańa nysandardyń ashylý saltanatyna qatysty.

Sonyń biri – aýdan ortalyǵyndaǵy «Jastar saraıy».

Temirlan aýydyndaǵy eski kınoteatr ǵımaraty jeke menshikten 2014 jyly jergilikti búdjet esebinen 15 mln. teńgege satyp alynyp, Ordabasy aýdandyq ishki saıasat bóliminiń "Jastar resýrstyq ortalyǵy" komýnaldyq memlekettik mekemesiniń teńgerimine berilgen. Aýdandyq búdjet esebinen 2018 jyly 134400,0 myń tengege jóndeý jumystary júrgizildi.

Aýdandyq «Jastar ortalyǵy» komýnaldyq memlekettik mekemesi 2011 jyly 24 maýsymda aýdan ákiminiń №211 qaýlysyna sáıkes, ishki saıasat bóliminiń janynan qurylyp, memlekettik jastar saıasatynyń negizgi baǵyttaryn iske asyrý maqsatynda jumys jasaýda. Ortalyqta 17 jas maman jumys isteıdi. Onyń ishinde 10 shattyq birlik 2013 jyly 1 shildeden bastap berilgen. Bul nusqaýshylar ár aýyl okrýgine bekitilgen, aýyl okrýg ákimdikteriniń ǵımaratynda ornalasqan. 2017 jyldyń tamyz aıynan bastap «Áleýmettik psıhologıalyq sektor» jastar resýrstyq ortalyǵynan ashylyp jumys júrgizýde. Tehnıkalyq bazamen tolyq qamtamasyz etilgen. Jastar ortalyǵynyń dırektory – Saılybaev Murat Kenjebekuly.