ەلباسى نۇرسۇلتان ءابىش ۇلى نازاربايەۆ ءوزىنىڭ كەزەكتى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىندا: «بىرلىگىمىز مىزعىماسا، ىنتىماعىمىز ىدىراماسا، ءبىز ءۇشىن الىنبايتىن اسۋ، باعىنبايتىن بەلەس بولمايدى» دەگەن-دى. مىنە، سول بىرلىك پەن ىنتىماقتىڭ ءتولسيپاتى سانالاتىن ورداباسى – تەك وبلىسىمىزدىڭ عانا ەمەس، رەسپۋبليكامىزداعى ورنى ەرەكشە اۋدان ەكەنى بارشاڭىزعا ءمالىم. تاسىن تۇرتسەڭ تاريحى سايراي جونەلەتىن قاسيەتتى مەكەن بۇگىندە زامان كوشىنە ىلەسىپ، وسىپ-وركەندەپ، دامىپ كەلەدى.

16-جەلتوقسان – قازاقستان رەسپۋبليكاسى تاۋەلسىزدىگى كۇنى مەرەكەسىنە وراي تۇركىستان وبلىسىنىڭ اكىمى جانسەيىت تۇيمەبايەۆ ورداباسى اۋدانىنا ارنايى ات باسىن بۇرىپ، جاڭا نىسانداردىڭ اشىلۋ سالتاناتىنا قاتىستى.

سونىڭ ءبىرى – اۋدان ورتالىعىنداعى «جاستار سارايى».

تەمىرلان اۋىدىنداعى ەسكى كينوتەاتر عيماراتى جەكە مەنشىكتەن 2014 جىلى جەرگىلىكتى بيۋدجەت ەسەبىنەن 15 ملن. تەڭگەگە ساتىپ الىنىپ، ورداباسى اۋداندىق ىشكى ساياسات ءبولىمىنىڭ "جاستار رەسۋرستىق ورتالىعى" كوممۋنالدىق مەملەكەتتىك مەكەمەسىنىڭ تەڭگەرىمىنە بەرىلگەن. اۋداندىق بيۋدجەت ەسەبىنەن 2018 جىلى 134400،0 مىڭ تەنگەگە جوندەۋ جۇمىستارى جۇرگىزىلدى.

اۋداندىق «جاستار ورتالىعى» كوممۋنالدىق مەملەكەتتىك مەكەمەسى 2011 جىلى 24 ماۋسىمدا اۋدان اكىمىنىڭ №211 قاۋلىسىنا سايكەس، ىشكى ساياسات ءبولىمىنىڭ جانىنان قۇرىلىپ، مەملەكەتتىك جاستار ساياساتىنىڭ نەگىزگى باعىتتارىن ىسكە اسىرۋ ماقساتىندا جۇمىس جاساۋدا. ورتالىقتا 17 جاس مامان جۇمىس ىستەيدى. ونىڭ ىشىندە 10 شاتتىق بىرلىك 2013 جىلى 1 شىلدەدەن باستاپ بەرىلگەن. بۇل نۇسقاۋشىلار ءار اۋىل وكرۋگىنە بەكىتىلگەن، اۋىل وكرۋگ اكىمدىكتەرىنىڭ عيماراتىندا ورنالاسقان. 2017 جىلدىڭ تامىز ايىنان باستاپ «الەۋمەتتىك پسيحولوگيالىق سەكتور» جاستار رەسۋرستىق ورتالىعىنان اشىلىپ جۇمىس جۇرگىزۋدە. تەحنيكالىق بازامەن تولىق قامتاماسىز ەتىلگەن. جاستار ورتالىعىنىڭ ديرەكتورى – سايلىبايەۆ مۇرات كەنجەبەك ۇلى.