Ordabasy aýdanynda beton shyǵaratyn zaýyttyń irgetasy qalandy
«RZN» JShS jobaǵa shamamen 8 mlrd teńge investitsiia salýdy josparlaýda. Zaýyt táýligine 1000 danaǵa deiingi avtoklavty uialy beton shyǵarady. Óndiris ornynda 150 jumys orny ashylady. Atalǵan sharaǵa Túrkistan oblysy ákiminiń orynbasary Meiirjan Myrzaliev pen Ordabasy aýdanynyń ákimi Nurbol Turashbekov qatysty.
Biyl «Indýstriialandyrý kartasy» aiasynda taǵy úsh joba iske qosylyp, 300-den astam jańa jumys ornyn ashý kózdelgen. Atap aitsaq, «Standart Petroleum & Co» JShS-niń munai-himiia óńdeý jobasynyń qýattylyǵy jylyna 1 mln. tonna. Jobanyń jalpy quny – 24 mlrd teńge 200 adam jumys ornymen qamtylady. «NA Constraction» JShS-niń jańa tehnologiialy qysh zaýyty jobasy. Jalpy quny 2,6 mlrd. teńge 100 jumys ornymen. «Aleksandrovskii sad» JShS-niń kókónis saqtaý qoimasy. Jalpy quny 8 mlrd. teńge.
Jalpy, Qazaqstanda gaz blogyna ortasha jyldyq qajettilik 3,6 million tekshe metrdi quraidy. Elimizde mundai 10 óndiris orny jumys isteidi. Al, Túrkistan oblysynda bul – osy tiptegi alǵashqy joba.
– Osy ónimderdiń jetispeý máselesi Maqtaaral óńirindegi qalpyna keltirý jumystary kezinde jáne Túrkistan qalasyndaǵy aýqymdy qurylystar barysynda baiqaldy. Túrkistan aimaǵyndaǵy qolaily investitsiialyq ahýal bizge eń jaqsy investorlardy tartýǵa múmkindik beredi. Muny statistika da dáleldep otyr. Ótken jyly Túrkistan oblysy kásipkerlikti júrgizý boiynsha birinshi orynǵa shyqty jáne negizgi kapitalǵa salynǵan investitsiianyń ósimi boiynsha kóshbasshy boldy, – deidi Túrkistan oblysy ákiminiń orynbasary Meiirjan Myrzaliev.
Soltústik Qazaqstan oblysynan kelgen investorǵa jobanyń barlyq kezeńderinde jan-jaqty qoldaý kórsetildi. Nátijesinde, biyldyń ózinde aimaqtyq qurylys indýstriiasy jergilikti óndiristegi avtoklavtalǵan uialy beton úlestiredi.
