«RZN» ج ش س جوباعا شامامەن 8 ملرد تەڭگە ينۆەستيسيا سالۋدى جوسپارلاۋدا. زاۋىت تاۋلىگىنە 1000 داناعا دەيىنگى اۆتوكلاۆتى ۇيالى بەتون شىعارادى. ءوندىرىس ورنىندا 150 جۇمىس ورنى اشىلادى. اتالعان شاراعا تۇركىستان وبلىسى اكىمىنىڭ ورىنباسارى مەيىرجان مىرزالييەۆ پەن ورداباسى اۋدانىنىڭ اكىمى نۇربول تۇراشبەكوۆ قاتىستى.
بيىل «يندۋستريالاندىرۋ كارتاسى» اياسىندا تاعى ءۇش جوبا ىسكە قوسىلىپ، 300-دەن استام جاڭا جۇمىس ورنىن اشۋ كوزدەلگەن. اتاپ ايتساق، «Standart Petroleum & Co» ءجشس-نىڭ مۇناي-حيميا وڭدەۋ جوباسىنىڭ قۋاتتىلىعى جىلىنا 1 ملن. توننا. جوبانىڭ جالپى قۇنى – 24 ملرد تەڭگە 200 ادام جۇمىس ورنىمەن قامتىلادى. «NA Constraction» ءجشس-نىڭ جاڭا تەحنولوگيالى قىش زاۋىتى جوباسى. جالپى قۇنى 2،6 ملرد. تەڭگە 100 جۇمىس ورنىمەن. «الەكساندروۆسكيي ساد» ءجشس-نىڭ كوكونىس ساقتاۋ قويماسى. جالپى قۇنى 8 ملرد. تەڭگە.
جالپى، قازاقستاندا گاز بلوگىنا ورتاشا جىلدىق قاجەتتىلىك 3،6 ميلليون تەكشە مەتردى قۇرايدى. ەلىمىزدە مۇنداي 10 ءوندىرىس ورنى جۇمىس ىستەيدى. ال، تۇركىستان وبلىسىندا بۇل – وسى تيپتەگى العاشقى جوبا.
– وسى ونىمدەردىڭ جەتىسپەۋ ماسەلەسى ماقتاارال وڭىرىندەگى قالپىنا كەلتىرۋ جۇمىستارى كەزىندە جانە تۇركىستان قالاسىنداعى اۋقىمدى قۇرىلىستار بارىسىندا بايقالدى. تۇركىستان ايماعىنداعى قولايلى ينۆەستيسيالىق احۋال بىزگە ەڭ جاقسى ينۆەستورلاردى تارتۋعا مۇمكىندىك بەرەدى. مۇنى ستاتيستيكا دا دالەلدەپ وتىر. وتكەن جىلى تۇركىستان وبلىسى كاسىپكەرلىكتى جۇرگىزۋ بويىنشا ءبىرىنشى ورىنعا شىقتى جانە نەگىزگى كاپيتالعا سالىنعان ينۆەستيسيانىڭ ءوسىمى بويىنشا كوشباسشى بولدى، – دەيدى تۇركىستان وبلىسى اكىمىنىڭ ورىنباسارى مەيىرجان مىرزالييەۆ.
سولتۇستىك قازاقستان وبلىسىنان كەلگەن ينۆەستورعا جوبانىڭ بارلىق كەزەڭدەرىندە جان-جاقتى قولداۋ كورسەتىلدى. ناتيجەسىندە، بيىلدىڭ وزىندە ايماقتىق قۇرىلىس يندۋسترياسى جەرگىلىكتى وندىرىستەگى اۆتوكلاۆتالعان ۇيالى بەتون ۇلەستىرەدى.
