Osyǵan orai, Túrkistan oblysy ákiminiń orynbasary Ermek Kenjehanuly Ordabasy aýdanyna jumys saparymen kelip, Shubar jáne Badam aýyldyq okrýginiń turǵyndarymen kezdesti.
Jiynǵa kelgen shubarlyqtar oblys ákiminiń orynbasary Ermek Kenjehanulyna, aýdan ákimi Nurbek Badyraqovqa joba jáne nesieleý sharttaryna qatysty ózderin tolǵandyrǵan suraqtaryn qoidy.
Atalǵan joba aiasynda Ordabasy aýdany boiynsha Shubar jáne Badam aýyldyq okrýgteri pilottyq úlgide tańdalǵan. Basty sebepterdiń biri - Shubar aýyldyq okrýginde mal bordaqylaý baǵytyna basymdyq beriledi. Qazirdiń ózinde 70-ten astam shubarlyq azamat tiisti qarjy uiymyna nesie rásimdeý úshin qujattaryn ótkizip úlgergen.
«Aýyl amanatynyń» artyqshylyǵy – beriletin nesie paiyzynyń azdyǵy, ári aýyldyq jerdegi úidi kepildikke qoiýǵa bolatyndyǵy, kez-kelgen jumyssyz aýyl turǵynynyń qatysa alatyndyǵynda.
Oblys ákiminiń orynbasarynyń kelesi kezdesýi Badam aýylyndaǵy «Bórte milka» sút fermasynda ótti. Onda ol birneshe kooperativ tóraǵalarymen kezdesip, «Aýyl amanaty» jobasynyń tiimdilikterin túsindirdi.
Aita keteiik, Badam aýyldyq okrýginiń turǵyndaryna 2,5 paiyzben sútti baǵyttaǵy iri qara alýdy nesieleý júzege asyrylmaq. Sebebi, onda «Bórte milka» sút fermasy ornalasqan. Qazirgi tańda ferma 30% ǵana kólemde ónim shyǵarýda. Tolyq qýatqa ótý úshin qosymsha shikizat (sút) qajet. Onyń bir ǵana joly-turǵyndardan belgilengen baǵada sút jinaý. Bul josparǵa joba aiasynda qol jetkizýge bolady.
Kezdesýde sút baǵytyndaǵy IQM nesieleýden bólek, Badam aýyldyq okrýginiń jylyjai sharýashylyǵyna da múmkindik berý joldary sóz boldy.
