وسىعان وراي، تۇركىستان وبلىسى اكىمىنىڭ ورىنباسارى ەرمەك كەنجەحان ۇلى ورداباسى اۋدانىنا جۇمىس ساپارىمەن كەلىپ، شۇبار جانە بادام اۋىلدىق وكرۋگىنىڭ تۇرعىندارىمەن كەزدەستى.
جيىنعا كەلگەن شۇبارلىقتار وبلىس اكىمىنىڭ ورىنباسارى ەرمەك كەنجەحانۇلىنا، اۋدان اكىمى نۇربەك بادىراقوۆقا جوبا جانە نەسيەلەۋ شارتتارىنا قاتىستى وزدەرىن تولعاندىرعان سۇراقتارىن قويدى.
اتالعان جوبا اياسىندا ورداباسى اۋدانى بويىنشا شۇبار جانە بادام اۋىلدىق وكرۋگتەرى پيلوتتىق ۇلگىدە تاڭدالعان. باستى سەبەپتەردىڭ ءبىرى - شۇبار اۋىلدىق وكرۋگىندە مال بورداقىلاۋ باعىتىنا باسىمدىق بەرىلەدى. ءقازىردىڭ وزىندە 70-تەن استام شۇبارلىق ازامات ءتيىستى قارجى ۇيىمىنا نەسيە راسىمدەۋ ءۇشىن قۇجاتتارىن وتكىزىپ ۇلگەرگەن.
«اۋىل اماناتىنىڭ» ارتىقشىلىعى – بەرىلەتىن نەسيە پايىزىنىڭ ازدىعى، ءارى اۋىلدىق جەردەگى ءۇيدى كەپىلدىككە قويۋعا بولاتىندىعى، كەز-كەلگەن جۇمىسسىز اۋىل تۇرعىنىنىڭ قاتىسا الاتىندىعىندا.
وبلىس اكىمىنىڭ ورىنباسارىنىڭ كەلەسى كەزدەسۋى بادام اۋىلىنداعى «بورتە ميلكا» ءسۇت فەرماسىندا ءوتتى. وندا ول بىرنەشە كووپەراتيۆ توراعالارىمەن كەزدەسىپ، «اۋىل اماناتى» جوباسىنىڭ تيىمدىلىكتەرىن ءتۇسىندىردى.
ايتا كەتەيىك، بادام اۋىلدىق وكرۋگىنىڭ تۇرعىندارىنا 2،5 پايىزبەن ءسۇتتى باعىتتاعى ءىرى قارا الۋدى نەسيەلەۋ جۇزەگە اسىرىلماق. سەبەبى، وندا «بورتە ميلكا» ءسۇت فەرماسى ورنالاسقان. قازىرگى تاڭدا فەرما 30% عانا كولەمدە ءونىم شىعارۋدا. تولىق قۋاتقا ءوتۋ ءۇشىن قوسىمشا شيكىزات (ءسۇت) قاجەت. ونىڭ ءبىر عانا جولى-تۇرعىنداردان بەلگىلەنگەن باعادا ءسۇت جيناۋ. بۇل جوسپارعا جوبا اياسىندا قول جەتكىزۋگە بولادى.
كەزدەسۋدە ءسۇت باعىتىنداعى ءىقم نەسيەلەۋدەن بولەك، بادام اۋىلدىق وكرۋگىنىڭ جىلىجاي شارۋاشىلىعىنا دا مۇمكىندىك بەرۋ جولدارى ءسوز بولدى.
