Ordabasy aýdanynda 7,5 mlrd teńgeden astam ınvestısıa ıgerilgen. Negizgi qordy jańǵyrtýǵa baǵyttalǵan ınvestısıa kólemi ótken jylmen salystyrǵanda 217,3 paıyzdy qurady. Onyń 75,5 %-y búdjettik emes ınvestısıa, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Kepilsiz nesıe boıynsha 57 jeke kásipker 228,5 mln teńge qarjylandyryldy. Bul kórsetkish boıynsha aýdan oblys deńgeıinde 3 orynda. Mıkro nesıe uıymdary arqyly 2 mlrd teńgeden astam nesıe ıgerilgen. «Qarapaıym zattar ekonomıkasy baǵdarlamasy» aıasynda jeńildetilgen qoljetimdi nesıeni alý maqsatynda 37 joba usynylyp, 23-i maquldandy.

Ónerkásip salasynda óndirilgen ónim kólemi de edáýir artqan. Aýdanda 39 kásiporyn óz isterin dóńgeletip, urshyqsha úıirip otyr. Olardyń óndirgen ónim kólemi jyl basynan beri 8 mlrd teńgeden asyp, oblys kóleminde aldyńǵy qatarda. Bıyl «Indýstrıalyq-ınnovasıalyq damý» memlekettik baǵdarlamasy aıasynda 28,7 mlrd teńgeni quraıtyn 4 joba júzege asyp, 500-ge azamat turaqty jumyspen qamtylady.

Atap aıtqanda, jyldyq qýattylyǵy 2 mln tonnaǵa jetetin «Standart Petroleum & Co» JSHS-niń munaı-hımıa óńdeý jobasynyń jalpy quny 300 mln dollar (129,9 mlrd teńge). Qazirgi tańda qurylys-montajdaý jumystary júrgizilip jatqan «Agro-V» JSHS-niń jańa tehnologıaly qysh zaýyty jobasy, jalpy quny 2,3 mlrd teńge jalpy quny 1,6 mlrd teńge bolatyn «RZN» JSHS-niń avtoklavtalǵan gazdalǵan beton ónimin óndirý jobasy. Sondaı-aq, jalpy quny 0,8 mlrd teńge bolatyn «Aleksandrovskıı sad» JSHS-niń kókónis saqtaý qoımasy. Joba 3-toqsanda iske qosylady dep kútilýde.