كەپىلسىز نەسيە بويىنشا 57 جەكە كاسىپكەر 228،5 ملن تەڭگە قارجىلاندىرىلدى. بۇل كورسەتكىش بويىنشا اۋدان وبلىس دەڭگەيىندە 3 ورىندا. ميكرو نەسيە ۇيىمدارى ارقىلى 2 ملرد تەڭگەدەن استام نەسيە يگەرىلگەن. «قاراپايىم زاتتار ەكونوميكاسى باعدارلاماسى» اياسىندا جەڭىلدەتىلگەن قولجەتىمدى نەسيەنى الۋ ماقساتىندا 37 جوبا ۇسىنىلىپ، 23ء-ى ماقۇلداندى.
ونەركاسىپ سالاسىندا وندىرىلگەن ءونىم كولەمى دە ەداۋىر ارتقان. اۋداندا 39 كاسىپورىن ءوز ىستەرىن دوڭگەلەتىپ، ۇرشىقشا ءۇيىرىپ وتىر. ولاردىڭ وندىرگەن ءونىم كولەمى جىل باسىنان بەرى 8 ملرد تەڭگەدەن اسىپ، وبلىس كولەمىندە الدىڭعى قاتاردا. بيىل «يندۋستريالىق-يننوۆاسيالىق دامۋ» مەملەكەتتىك باعدارلاماسى اياسىندا 28،7 ملرد تەڭگەنى قۇرايتىن 4 جوبا جۇزەگە اسىپ، 500-گە ازامات تۇراقتى جۇمىسپەن قامتىلادى.
اتاپ ايتقاندا، جىلدىق قۋاتتىلىعى 2 ملن تونناعا جەتەتىن «Standart Petroleum & Co» ءجشس-نىڭ مۇناي-حيميا وڭدەۋ جوباسىنىڭ جالپى قۇنى 300 ملن دوللار (129،9 ملرد تەڭگە). قازىرگى تاڭدا قۇرىلىس-مونتاجداۋ جۇمىستارى جۇرگىزىلىپ جاتقان «اگرو-V» ءجشس-نىڭ جاڭا تەحنولوگيالى قىش زاۋىتى جوباسى، جالپى قۇنى 2،3 ملرد تەڭگە جالپى قۇنى 1،6 ملرد تەڭگە بولاتىن «RZN» ءجشس-نىڭ اۆتوكلاۆتالعان گازدالعان بەتون ءونىمىن ءوندىرۋ جوباسى. سونداي-اق، جالپى قۇنى 0،8 ملرد تەڭگە بولاتىن «الەكساندروۆسكيي ساد» ءجشس-نىڭ كوكونىس ساقتاۋ قويماسى. جوبا 3-توقساندا ىسكە قوسىلادى دەپ كۇتىلۋدە.
