Shyǵys Qazaqstan oblysy ákiminiń oraza tutqany búgin buqaralyq aqparat quraldary ókilderimen ótken brifing barysynda belgili boldy. Ádette spiker sóz sóilegende tamaq jibitip turýy úshin ústelge staqanmen sý qoiylatyn. Alaida oblys ákiminiń aldynan ondai sý baiqalmady. Sondyqtan kezdesýden keiin jýrnalister qyzyǵýshylyq tanytyp, «Siz oraza ustadyńyz ba?» dep surady.
– Orazanyń barlyq talaptaryn eskere otyryp aýyz bekittim. Oraza adamǵa erekshe sezim syilaidy. Boiyńa sergektik beredi eken. Adamnyń óz oiyn, is-áreketin qadaǵalaý arqyly ómir súrý saltyna ózgeris engizetinin, tańnan keshke deiin ashyǵýy densaýlyǵyna paidaly ekenin ǵalymdar da aityp otyr.
Bir mysal aitaiyn, 2016 jyly Iosinori Osými esimdi japon ǵalymy ashyǵý, iaǵni, oraza ustaý ishki aǵzany tazalap, jumysyn retke keltiretindigin dáleldedi. Osy eńbegi úshin Nobel syilyǵyn aldy. Iaǵni, aýyz bekitýdiń densaýlyqqa paidaly ekeni meditsinada da moiyndalǵan. Olai bolsa Ramazan aiynda aýyz bekitken barsha qaýymǵa «Oraza qabyl bolsyn!» deimin, – dedi Shyǵys Qazaqstan oblysynyń ákimi Danial Ahmetov.
