شىعىس قازاقستان وبلىسى ەكٸمٸنٸڭ ورازا تۇتقانى بٷگٸن بۇقارالىق اقپارات قۇرالدارى ٶكٸلدەرٸمەن ٶتكەن بريفينگ بارىسىندا بەلگٸلٸ بولدى. ەدەتتە سپيكەر سٶز سٶيلەگەندە تاماق جٸبٸتٸپ تۇرۋى ٷشٸن ٷستەلگە ستاقانمەن سۋ قويىلاتىن. الايدا وبلىس ەكٸمٸنٸڭ الدىنان ونداي سۋ بايقالمادى. سوندىقتان كەزدەسۋدەن كەيٸن جۋرناليستەر قىزىعۋشىلىق تانىتىپ, «سٸز ورازا ۇستادىڭىز با?» دەپ سۇرادى.
– ورازانىڭ بارلىق تالاپتارىن ەسكەرە وتىرىپ اۋىز بەكٸتتٸم. ورازا ادامعا ەرەكشە سەزٸم سىيلايدى. بويىڭا سەرگەكتٸك بەرەدٸ ەكەن. ادامنىڭ ٶز ويىن, ٸس-ەرەكەتٸن قاداعالاۋ ارقىلى ٶمٸر سٷرۋ سالتىنا ٶزگەرٸس ەنگٸزەتٸنٸن, تاڭنان كەشكە دەيٸن اشىعۋى دەنساۋلىعىنا پايدالى ەكەنٸن عالىمدار دا ايتىپ وتىر.
بٸر مىسال ايتايىن, 2016 جىلى يوسينوري وسۋمي ەسٸمدٸ جاپون عالىمى اشىعۋ, ياعني, ورازا ۇستاۋ ٸشكٸ اعزانى تازالاپ, جۇمىسىن رەتكە كەلتٸرەتٸندٸگٸن دەلەلدەدٸ. وسى ەڭبەگٸ ٷشٸن نوبەل سىيلىعىن الدى. ياعني, اۋىز بەكٸتۋدٸڭ دەنساۋلىققا پايدالى ەكەنٸ مەديتسينادا دا مويىندالعان. ولاي بولسا رامازان ايىندا اۋىز بەكٸتكەن بارشا قاۋىمعا «ورازا قابىل بولسىن!» دەيمٸن, – دەدٸ شىعىس قازاقستان وبلىسىنىڭ ەكٸمٸ دانيال احمەتوۆ.
