2025 jylǵy 11 sáýirde Batys Qazaqstan oblysy, Oral qalasynda elimizdegi kreativ indýstriiany damytýdaǵy mańyzdy qadam – ÓzgeEpic kreativ habynyń resmi ashylýy ótti, dep habarlaidy Dalanews.kz
Kreativ hab – zamanaýi óner men mádeni tendentsiialardy, tsifrlyq óner men jańa tehnologiialardy toǵystyratyn alań. ÓzgeEpic haby osy baǵytta innovatsiialyq jobalardy júzege asyryp, jastardyń shyǵarmashylyq bastamalaryn damytýǵa úles qosyp keledi. 2019 jyly Almaty qalasynda bastaý alǵan joba, Túrkistan jáne Astana qalalarynda jalǵasyn taýyp, tabysty tájiribeden keiin biyl Oral qalasynda ashylyp otyr.
Memleket basshysy Qasym-Jomart Toqaev «Daryndy azamattardy ózine tartatyn oryndar, iaǵni kreativti indýstriia ortalyqtary barlyq oblys ortalyǵynda bolýǵa tiis» dep naqty mindetter qoiǵany belgili. Osy baǵytta Mádeniet jáne aqparat ministrligi jáne Batys Qazaqstan oblysynyń ákimdigi bastamasymen, «Samuryq-Qazyna» qoldaýymen jáne «Qarashyǵanaq Petroleým Opereiting B.V.» kompaniialarynyń áleýmettik investitsiialary negizinde ÓzgeEpic Oral kreativ haby ashyldy.
«Kreativti indýstriiany damytý – memleket saiasatynyń basym baǵyttarynyń biri, bul sala Memleket basshysynyń nazarynda. ÓzgeEpic Oral ortalyǵy jas talanttar úshin jańa múmkindikter alańyna, shabyt uiasyna ainalady dep senemiz», - dedi Batys Qazaqstan oblysynyń ákimi Nariman Tóreǵaliev.
ÓzgeEpic Oral kreativ habynyń ashylýy óńirdegi mádeni jáne intellektýaldyq áleýetti arttyrýǵa zor úles qospaq. Jańa keńistikte mádeniet pen tehnologiia salasyndaǵy ártúrli qyzmet baǵyttary bir alańda toǵysady.
«Búgin daryndy jastar men shyǵarmashylyq salanyń azamattary úshin mańyzdy kún. Sebebi, halyqqa qajetti, suranystaǵy túrli kontent daiyndaityn, ári kreativti mamandardyń kásibi ortasyn qalyptastyratyn orta paida boldy. Oraldaǵy ortalyq - «Samuryq-Qazyna» qorynyń elimiz boiynsha ashqan úshinshi kreativti haby. Osyǵan deiin Aqtóbe jáne Petropavlda paidalanýǵa berildi. Jalpy Batys Qazaqstanda sońǵy tórt jylda 1,5 mlrd teńge bolatyn 16 áleýmettik joba jasadyq. Solardyń biri jyl saiyn 700 erekshe bala kómek alatyn «Qamqorlyq» ońaltý ortalyqtary. Qazirgi tańda tasqyn saldarynan zardap shekken Jańaómir aýylynda kópfýnktsionaldy sport keshenin salý josparlanǵan. Bul da Qor kompaniialar tobynyń óńirlerdiń infraqurylymyn damytýǵa, halyqty áleýmettik qoldaýǵa jasap jatqan qadamynyń biri», - dedi «Samuryq-Qazyna» AQ korporativtik basqarý, áleýmettik-eńbek qatynastary jáne eńbekti qorǵaý jónindegi basqarýshy direktor Ǵibrat Aýǵanov.
Kreativ habtyń ekojúiesinde kontsert alańy, teatr, kinozal, kitaphana jáne ashana ornalasyp, óner men bilimniń jańa múmkindikterin usynady. Sonymen qatar, galereia, dárishana, kovorking keńistigi, óndiristik jáne media tsehtar – foto, podkast jáne dybys jazý stýdiialary, túsirilim alańdary jumys isteidi. Aita keterligi, kreativ habta óńirlik animatsiialyq stýdiia jumysyn bastap, mýltiplikatsiia mamandary daiarlanady. Bul aimaqtaǵy animatsiia baǵytyndaǵy alǵashqy kásibi stýdiia bolmaq.
«Ár óńirde kreativ salanyń damýyna yqpal etetin keńistikterdi qurǵanda ol jergilikti jerdiń, sol aimaqtyń mádeni-áleýmettik ereksheligine negizdelýi tiis. Osyny eskere otyryp, tiisti zertteýlerden keiin habtarymyzdy ashtyq. Oral qalasyndaǵy ashylǵan kreativ keńistik óńirlerdiń ziiatkerlik áleýetin óz deńgeiinde kórsetetin, aimaqtardyń múmkindigin ortalyqpen teńestiretin, kreativ indýstriiany damytýdaǵy óńirlerdiń rólin aiqyndaityn biregei alań bolady degen oiymyz bar.» - dedi ÓzgeEpic negizin qalaýshylar Maqpal Jumabai jáne Toǵjan Qurmanjanqyzy.
Kadrlardy júieli daiarlaý jáne kreativti indýstriialarda bilim berý baǵdarlamalaryn damytý – Qazaqstan úshin strategiialyq qajettilik. Osy oraida habta suranysqa ie mamandyqtar boiynsha oqý baǵdarlamasy túzilip, 200 kreativ maman daiyndalady. Bul aimaqta jańa jumys oryndaryn quryp qana qoimai, aimaqtyq shyǵarmashylyq ekonomikanyń básekege qabilettiginiń artýyna yqpal etedi.
