Batys Qazaqstan oblysy Oral qalasynda zańsyz mıkrokarjylyq qyzmet júrgizý faktisi boıynsha tergeý júrgizilip jatyr, dep habarlaıdy Dalanews.kz.

Tergeý málimetteri boıynsha, «Avans 07» JSHS-niń basshysy tıisti lısenzıasyz azamattarǵa zergerlik buıymdardy kepilge alyp, aqsha berýdi uıymdastyrǵan.

Atalǵan qyzmet «Ýralsk Zoloto» atty komıssıondyq dúkenniń jumysy retinde kórsetilip, jasyryn túrde júrgizilgen.

Qaryzdar komısıa sharttary arqyly rásimdelgen, al paıyzdyq tólemder zergerlik buıymdardy saqtaý qyzmetiniń aqysy retinde kórsetilgen.

Osy zańsyz qyzmettiń nátıjesinde 2 myńnan astam qaryz berilgen.

Qylmystyq jolmen alynǵan tabys kólemi 128 mln teńgeden asty. Sot sanksıasymen kúdiktiniń avtokóligi men 6 mln teńge kólemindegi qolma-qol aqshaǵa tyıym salyndy.

Qazirgi ýaqytta tergeý amaldary jalǵasýda.