Batys Qazaqstan oblysynda «Taza Qazaqstan» ekologiialyq aktsiiasy jalǵasýda, onyń maqsaty ekologiialyq mádenietti qalyptastyrý, týǵan jerge degen súiispenshilikti oiatý, patriotizmge tárbieleý, qorshaǵan ortanyń tazalyǵyn jáne ekologiiany saqtaý bolyp tabylady.
Oral qalasynda osy ekologiialyq aktsiia aiasynda oblys jastarynyń bastamasymen «Biz taza el úshin» qoqys jinap jarysý sharasy ótti.
Aktsiiaǵa 200-ge jýyq adam qatysyp, ekologiialyq mádenietti qalyptastyra otyryp, týǵan jerge degen súiispenshilikti oiatýdyń naǵyz úlgisin kórsetti.
«Bul is-sharanyń maqsaty – halyq arasynda ekologiialyq belsendilikti damytý jáne keńinen nasihattaý. Búgin 200 qap qoqys jinaldy. 200-den astam erikti osy igi iske atsalysyp, birneshe saǵattyń ishinde qalamyzdy qoqystan tazalap shyqty.
Qatysýshylar múmkindiginshe kóp qoqys jinaýǵa tyrysty. Jalpy biyl qalada 20-ǵa jýyq aktsiia ótkizýdi josparlap otyr», - deidi oblystyq Jastar rýhynyń tóraǵasy Arhat Islamǵali.
Oblys jastary ortalyq bazar aýmaǵyn tańdap, bastamashyldyq jasady, óitkeni olardyń pikirinshe, bul ýchaske qaladaǵy eń lastanǵan aýmaq bolyp sanalady.
Uiymdastyrýshylardyń aitýynsha, mundai ekologiialyq is-sharalar aldaǵy ýaqytta da jii ótkizilip turady.
Sáýir aiy boiynsha uiymdastyrylǵan sanitarlyq tazalyq ailyǵyna 12944 turǵyn, 3321 mekemeler men kásiporyndar qatysty, 231 parkter men sverler jinaldy, 44 myńnan astam ártúrli aǵash kóshetteri otyrǵyzyldy, 1221 áleýmettik, 3307 kásipkerlik jáne ónerkásiptik nysandarǵa, 525 tarihi-mádeni eskertkishterge tazalyq jumystary júrgizildi.
Ekologiialyq ailyqqa 1134 tehnika jumyldyrylyp, 49102 tonna qoqys shyǵaryldy.Tazalyq ailyǵy aiasyndaǵy abattandyrý jumystary jyl sońyna deiin jalǵasyn tabatyn bolady.
BQO Qoǵamdyq damý basqarmasy
