باتىس قازاقستان وبلىسىندا «تازا قازاقستان» ەكولوگيالىق اكسياسى جالعاسۋدا، ونىڭ ماقساتى ەكولوگيالىق مادەنيەتتى قالىپتاستىرۋ، تۋعان جەرگە دەگەن سۇيىسپەنشىلىكتى وياتۋ، پاتريوتيزمگە تاربيەلەۋ، قورشاعان ورتانىڭ تازالىعىن جانە ەكولوگيانى ساقتاۋ بولىپ تابىلادى.
ورال قالاسىندا وسى ەكولوگيالىق اكسيا اياسىندا وبلىس جاستارىنىڭ باستاماسىمەن «ءبىز تازا ەل ءۇشىن» قوقىس جيناپ جارىسۋ شاراسى ءوتتى.

اكسياعا 200-گە جۋىق ادام قاتىسىپ، ەكولوگيالىق مادەنيەتتى قالىپتاستىرا وتىرىپ، تۋعان جەرگە دەگەن سۇيىسپەنشىلىكتى وياتۋدىڭ ناعىز ۇلگىسىن كورسەتتى.

«بۇل ءىس-شارانىڭ ماقساتى – حالىق اراسىندا ەكولوگيالىق بەلسەندىلىكتى دامىتۋ جانە كەڭىنەن ناسيحاتتاۋ. بۇگىن 200 قاپ قوقىس جينالدى. 200-دەن استام ەرىكتى وسى يگى ىسكە اتسالىسىپ، بىرنەشە ساعاتتىڭ ىشىندە قالامىزدى قوقىستان تازالاپ شىقتى.

قاتىسۋشىلار مۇمكىندىگىنشە كوپ قوقىس جيناۋعا تىرىستى. جالپى بيىل قالادا 20-عا جۋىق اكسيا وتكىزۋدى جوسپارلاپ وتىر»، - دەيدى وبلىستىق جاستار رۋحىنىڭ ءتوراعاسى ارحات يسلامعالي.
وبلىس جاستارى ورتالىق بازار اۋماعىن تاڭداپ، باستاماشىلدىق جاسادى، ويتكەنى ولاردىڭ پىكىرىنشە، بۇل ۋچاسكە قالاداعى ەڭ لاستانعان اۋماق بولىپ سانالادى.
ۇيىمداستىرۋشىلاردىڭ ايتۋىنشا، مۇنداي ەكولوگيالىق ءىس-شارالار الداعى ۋاقىتتا دا ءجيى وتكىزىلىپ تۇرادى.

ءساۋىر ايى بويىنشا ۇيىمداستىرىلعان سانيتارلىق تازالىق ايلىعىنا 12944 تۇرعىن، 3321 مەكەمەلەر مەن كاسىپورىندار قاتىستى، 231 پاركتەر مەن سۆەرلەر جينالدى، 44 مىڭنان استام ءارتۇرلى اعاش كوشەتتەرى وتىرعىزىلدى، 1221 الەۋمەتتىك، 3307 كاسىپكەرلىك جانە ونەركاسىپتىك نىساندارعا، 525 تاريحي-مادەني ەسكەرتكىشتەرگە تازالىق جۇمىستارى جۇرگىزىلدى.

ەكولوگيالىق ايلىققا 1134 تەحنيكا جۇمىلدىرىلىپ، 49102 توننا قوقىس شىعارىلدى.تازالىق ايلىعى اياسىنداعى اباتتاندىرۋ جۇمىستارى جىل سوڭىنا دەيىن جالعاسىن تاباتىن بولادى.

بقو قوعامدىق دامۋ باسقارماسى