Oral qalasynda aýyl sharýashylyǵy salasyndaǵy mańyzdy oqiǵalardyń biri – «AUYL FEST. Qoi sharýashylyǵy – 2025» tuńǵysh Halyqaralyq forýmy óz jumysyn bastady,- dep habarlaidy Dalanews.kz
Forýmnyń ashylý saltanatyna Batys Qazaqstan oblysynyń ákimi Nariman Tóreǵaliev, QR Parlamenti Májilisiniń Agrarlyq komitettiń tóraǵasy, «Aýyl» partiiasynyń tóraǵasy Serik Egizbaev, Qazaqstan Respýblikasy Premer-Ministriniń keńesshisi Eraly Toqjanov, QR Parlamenti Májilisiniń depýtaty Qaraqat Ábden, QR Aýyl sharýashylyǵy vitse-ministri Amanǵali Berdalin jáne ministrlikterden ókilder qatysty.
Sonymen qatar forým jumysyna otandyq sarapshylarmen qatar Resei Federatsiiasy, Qytai Halyq Respýblikasy, Vengriia, Frantsiia jáne Iran Islam Respýblikasynan kelgen halyqaralyq qonaqtar, ǵalymdar men aýyl sharýashylyǵy salasynyń mamandary qatysýda.
Forým aiasynda qoi sharýashylyǵy ónimderiniń sapasyn arttyrý, jańa tehnologiialardy engizý, mal sharýashylyǵyndaǵy innovatsiialyq tásilder, ekologiialyq turaqtylyq pen eksporttyq áleýetti keńeitý baǵyttary keńinen talqylanbaq.
«Memleket basshysy Qasym-Jomart Kemeluly Toqaev óz sózderinde aýyldyń áleýetin arttyrýǵa erekshe nazar aýdaryp keledi jáne 2025 jyldy «Jumysshy mamandyqtary jyly» dep jariialaǵan bolatyn. Bul bastama – eńbek adamynyń mártebesin kóterip, naqty óndiris pen kásiptik-tehnikalyq bilim berý salasyna jańa serpin berýge baǵyttalǵan mańyzdy qadam», – dedi oblys ákimi Nariman Tóreǵaliev.
«AUYL FEST. Qoi sharýashylyǵy – 2025» halyqaralyq forýmynda ǵylymi-praktikalyq konferentsiialar, kórmeler, tájiribe almasý alańdary uiymdastyrylmaq.
Forýmnyń basty maqsaty – aýyl sharýashylyǵy salasyndaǵy yntymaqtastyqty nyǵaitý, zamanaýi tehnologiialardy engizý arqyly otandyq qoi sharýashylyǵynyń básekege qabilettiligin arttyrý.
