Oral qalasynda halyqaralyq izdeýde júrgen kúdikti qolǵa tústi. Batys Qazaqstan oblysy Politsiia departamentiniń kriminaldyq politsiia qyzmetkerleri júrgizgen jedel izdestirý is-sharalary barysynda ol jasyrynǵan jerinen ustaldy, dep habarlaidy dalanews.kz.
Tergeý málimetinshe, kúdikti aldaý jáne senimge qiianat jasaý arqyly qaiyrymdylyqqa jinalǵan 88 million teńgeden asa qarjyny zańsyz iemdengen. Ol 2025 jylǵy aqpannan beri halyqaralyq izdeýde bolǵan.
Ustaý kezinde er adam politsiiadan boi tasalamaq bolyp, shkaftyń ishine jasyrynǵan. Alaida tártip saqshylary onyń jasyrynǵan ornyn anyqtap, kúdiktini qolǵa túsirdi.
Oǵan qatysty Qylmystyq kodekstiń 190-baby 4-bóligi, iaǵni asa iri mólsherde alaiaqtyq jasaý deregi boiynsha tergeý júrgizilip jatyr. Kúdikti ýaqytsha ustaý izoliatoryna qamaldy.
