Oral qalasynda 10 jastaǵy qyzdyń zorlanýyna qatysty qylmystyq is tergelip jatyr. Bul qylmystyq is boiynsha jaýapkershilikke ákimdik qyzmetkerleri de tartylýy múmkin. Buǵan jol boiyndaǵy aǵashtardyń kesilmegeni sebep bolǵan, dep habarlaidy Dalanews.kz Qazaqparatqa silteme jasap.
Agenttik taratqan aqparatqa sáikes, oqiǵa 29 qyrkúiekte Zachagan kentindegi №20 orta mektep mańynda bolǵan. Oral qalasynyń prokýrory Meiirhan Izimovtiń aitýynsha, qylmysqa deiin ata-analar birneshe ret jol boiyndaǵy aǵashtardy kesý jáne mektepke baratyn joldy jaryqtandyrý qajettigin aityp shaǵymdanǵan.
«Alaida Zachagan aýyldyq okrýginiń ákimdigi bul máselege salǵyrt qaraǵan. Tek qylmystan keiin ǵana jol boiyndaǵy aǵashtar kesildi», – delingen jariialanymda.
Prokýrorlardyń aitýynsha, qyzmetine salǵyrt qaraǵan ákimdik laýazym ielerine qatysty qylmystyq is qozǵaldy. Barlyq mán-jai anyqtalyp, protsessýaldyq sheshim qabyldanady.
