Máskeýde júrgen Oral qalasynyń turǵyny Jazylbek Ájǵalievti Resei politsiiasy úsh táýlik boiy uryp-soǵyp, Ýkrainadaǵy soǵysqa kelisimshartqa qol qoiýǵa májbúrlemek bolǵan. Bul týraly onyń ápkesi Marýa Eskendirova áleýmettik jelide málimdedi, dep habarlaidy Dalanews.kz Ýralskaia nedelia basylymyna silteme jasap.
Máskeýge jumys izdep barǵan
Marýa Eskendirovanyń aitýynsha, Jazylbek 2025 jyldyń jeltoqsan aiynyń basynda aǵasy Batyrbekpen birge Máskeýge jumys isteýge ketken.
Onyń sózinshe, bul sheshim otbasynyń aýyr qarjylyq jaǵdaiyna bailanysty qabyldanǵan.
«Aǵamnyń úsh balasy bar, eki nesiesi bar. Amalsyzdan Reseige jumys izdep ketti», – deidi Marýa.
Jazylbek Máskeýdegi «TRI SESTRY» klinikasyna meiirger bolyp jumysqa ornalasyp, ýaqytsha tirkeýge qujat tapsyrǵan.
Qujat alýǵa ketken soń habarsyz joǵaldy
2026 jylǵy 18 qańtarda Jazylbekke Saharov kóshesinde ornalasqan kóshi-qon ortalyǵynan qońyraý shalyp, qujattarynyń daiyn ekenin aityp, kelip alýdy suraǵan.
Al 19 qańtar kúni tańǵy saǵat 06:00-de ol óz nómirinen taksi shaqyryp, kóshi-qon ortalyǵyna jol tartqan. Sol ketkennen qaityp oralmaǵan.
Marýa Eskendirovanyӊ aitýynsha, onyń telefony bir saǵattan keiin óship, sodan beri qosylmaǵan. Qai taksige otyrǵany da belgisiz.
Sol kúni keshke aǵasy Batyrbek politsiiaǵa adam joǵalǵany týraly aryz jazǵan. Alaida quqyq qorǵaý organdary ony tek úsh táýlikten keiin izdei bastaitynyn aitqan.
Osydan keiin Marýa Eskendirova Oral qalasyndaǵy politsiiaǵa da aryz túsirgen. Onda oǵan Resei IIM-inen Jazylbektiń Máskeýde joǵalǵany jóninde baǵdar berilgeni habarlanǵan.
«Elektroshokermen uryp, basyna qap kigizgen»
22 qańtar kúni tańerteń Jazylbek týǵan-týystaryna ózi habarlasqan. Ol sol sátte Almaty áýejaiynda bolǵan.
Marýa Eskendirova baýyrynyń aýyr kúide ekenin aitady.
«Ol qatty shok alyp qalǵan», – dedi ol.
Jazylbektiń aitýynsha, 19 qańtar kúni tańerteń ol Saharovtaǵy kóshi-qon ortalyǵyna kelgende, qyzmetkerler «bes minýt kútińiz» degen.
Sol sátte ǵimarat esiginiń aldynda reseilik politseiler kelip, ony ustap áketken.
«Ony elektroshokermen eseńgiretip, telefonyn tartyp alǵan. Basyna qap kigizip, bólimshede aparǵan», – deidi ápkesi.
Úsh táýlik azaptaǵan
Marýa Eskendirovanyӊ sózinshe, Jazylbek úsh kún boiy aiaýsyz soqqyǵa jyǵylǵan.
«Ony úsh táýlik boiy uryp-soǵyp, elektroshokermen azaptaǵan. Osy ýaqyt ishinde áskeri komissariattan úsh ret adam kelip, Ýkrainadaǵy soǵysqa kelisimshartqa qol qoiýdy talap etken», – deidi ol.
Jazylbek bolsa bul talaptan úzildi-kesildi bas tartqan.
«Óltirseńder de qol qoimaimyn», – dep jaýap bergen ol jáne ózin Qazaqstanǵa deportatsiialaýdy talap etken.
Qazaqstanǵa kúshtep deportatsiialanǵan
Marýa Eskendirovanyń málimetinshe, 21 qańtarǵa qaraǵan túni Jazylbek Ájǵaliev Reseiden Qazaqstanǵa deportatsiialanǵan.
Ony Almatyǵa ushatyn ushaqqa otyrǵyzyp, elden shyǵarǵan.
Qazir Jazylbek Qazaqstan aýmaǵynda. Onyń jaǵdaiy men oqiǵanyń quqyqtyq baǵasy boiynsha resmi organdar ázirge túsinikteme bergen joq.
