16 tamyzda Oral qalasynda, Tuńǵysh Prezident alańynda, «AUYL FEST. Qoi sharýashylyǵy» atty alǵashqy halyqaralyq festival ótedi. Batys Qazaqstan oblysynda, áigili «Edilbai» qoi tuqymynyń otanynda ótetin bul festival dástúr men zamanaýi tehnologiiany jáne álemniń 14-ten astam elinen kelgen qoi sharýashylyǵy salasynyń úzdik mamandaryn biriktiredi,- dep habarlaidy Dalanews.kz
«Ǵylymi-tájiribelik konferentsiia, úlken forým ótedi, onda biz qoi sharýashylyǵyn damytý máselelerin talqylap, onyń damýyna serpin berýdi kózdeimiz. 25-ten astam is-shara ótkizý josparlanǵan. Forýmnan bólek birneshe taqyryptyq kórmeler bolady. Bul formatty biz Petropavl qalasynda synap kórdik. Halyq óte jaqsy qabyldady», – dedi «Aýyl» partiiasynyń azamattyq bastamalardy qoldaý departamentiniń direktory Baǵdat Qadyrov.
Is-shara aiasynda qonaqtardy kútip turǵan baǵdarlamalar:
- «AUYL FEST. Qoi sharýashylyǵy» halyqaralyq festivaliniń forýmy;
- Qoi sharýashylyǵy jetistikteriniń kórmesi;
- Qoi júninen tigilgen kiimderdiń sán kórsetilimi, defile, tabiǵi qoi terisinen jasalǵan kostiýmder baiqaýy, kollektsiialar jármeńkesi;
- Qoi jáne qozy etinen jasalǵan taǵamdar boiynsha jetekshi aspazdardyń qatysýymen kýlinarlyq baiqaý;
- Qoi qyrqý boiynsha sheberlik sabaǵy jáne jarys;
- Qoi etin músheleý boiynsha sheberlik sabaǵy jáne jarys;
- Asyl tuqymdy qoshqarlar aýktsiony;
- Qazaq tazysy men tóbeti tuqymdarynyń kórmesi;
- Ulttyq oiyndar men etnosport: sadaq atý, asyq atý, toǵyzqumalaq, qoshqar kóterý, han talapai, bes asyq, arqan tartý;
- Qazaqstan estrada juldyzdarynyń qatysýymen kontserttik baǵdarlama.
Festival jarqyn etnomádeni oqiǵa ǵana emes, sondai-aq qoi sharýashylyǵyn Qazaqstan agroónerkásip kesheniniń negizgi baǵyttarynyń biri retinde damytý men investitsiia tartýdyń tiimdi alańy bolmaq.
