Zerttelgen 29 qazaqstandyq qalanyń tek ekeýinde ǵana zamanaýi sport alańdarynyń sany alkomarketterden kóp bolyp shyqty, dep habarlaidy dalanews.kz.
16 mamyr kúni «Dala Qyrandary» qoǵamdyq qozǵalysy osyndai málimetterdi jariialady. Máselege qoǵam nazaryn aýdarý úshin belsendiler dástúrli press-konferentsiia formatynan bas tartyp, jýrnalister men jergilikti turǵyndardy tikelei aýlanyń sport alańynda ashyq jattyǵýǵa jinady.
Málim bolǵandai, bul sandar — «Dala Qyrandary» músheleriniń #sýrrogat jáne #jattyǵý is-sharalary aiasynda jergilikti jerlerdi tikelei aralap, júrgizgen aýqymdy jumysynyń nátijesi. Belsendiler elimizdiń 29 qalasyndaǵy ishimdik saýda núkteleri men buqaralyq sport oryndaryn eseptep shyqqan. Keibir aimaqtardaǵy alshaqtyq tipti jaǵa ustatady: mysaly, Atyraýda 118 sport alańyna 2985 alkomarket keledi. Aqtóbede 200 sport alańyna qarsy 960 ishimdik saýda núktesi jumys istep tursa, Qaraǵandyda 94 sport aimaǵyna 271 alkomarketten keledi. Qazir bul málimetterdiń barlyǵy interaktivti kartaǵa engizildi. Endi kez kelgen qazaqstandyq saitqa kirip, óz óńirindegi shynaiy teńsizdikti kóre alady.
«Biz ortanyń adamdy qalyptastyratynyna kámil senemiz. Eger ár aýlada jaqsy týrnik, fýtbol alańy bolyp,turaqty jattyǵýlar ótkizilip tursa — elimizde deni saý ári rýhy myqty urpaq ósedi. Biraq statistika múldem basqa, jan túrshigerlik shyndyqty kórsetip otyr. Qalalardyń kóbinde jaramdy sport alańynan qaraǵanda, zamanaýi alkomarketti tabý áldeqaida ońai. Biz jasóspirimderdi qalypty jattyǵý múmkindiginen aiyra otyryp, táýeldilik pen qasirettiń beleń alýyna óz qolymyzben jaǵdai jasap jatyrmyz. Biz ózimizge: "Mundai ortada qandai urpaq ósip shyǵady?" degen suraqty qoiýymyz kerek», — dep atap ótti «Dala Qyrandary» qozǵalysynyń úilestirýshisi Nurǵali Tursynǵaziev.
Bul kezdesýdiń qyrandardyń óz kúshimen abattandyrylǵan, búginde belsendi jumys istep turǵan aýlada ótýi tegin emes. Birlesken jattyǵý barysynda qatysýshylar balama joldyń bar ekenin jáne jergilikti turǵyndardyń bastamasy ainaladaǵy keńistikti shynymen ózgerte alatynyn is júzinde dáleldedi.
«Biz jaýapkershilikti sheneýnikterge nemese kásipkerlerge ysyra salýǵa beiimbiz, biraq tártip ózimizden bastalady. Myna alań — sonyń mysaly. Kórshiler óz aýlasyn retke keltirý úshin birikkende, olar tek trenajerlardy jóndep qana qoimaidy, osy úidegi balalardyń taǵdyryn ózgertedi. Biz jariialaǵan statistika árbir beijai qaramaityn turǵyndy is-qimylǵa shaqyrý», — dep tolyqtyrdy Arystanbap Muratuly — Dala Qyrandary qozǵalysynyń Astana qalasy boiynsha júzdik basshysy.
Jattyǵýymyzǵa úsh túrli salmaq sanatynda tórt márte álem chempiony, 94 kg deiingi salmaq sanatynda Aziia oiyndarynyń eki márte chempiony, tórt dúniejúzilik rekordtyń iesi, atyshýly qazaqstandyq aýyr atlet — Ilia Ilin qosyldy.
