Túrkistan teatrynyń akteri Sherhan Samatuly "Qaiyrly tań, Qazaqstan" baǵdarlamasyna qatysyp, "MýzArt" tobyna arnalǵan teatrlandyrylǵan qoiylym týraly aityp berdi, dep dalanews.kz tilshisi kznews.kz saityna silteme jasap habarlaidy.
Akterdiń sózinshe, sahnalyq shyǵarmada tanymal toptyń qalai qurylǵany, óner jolyndaǵy mańyzdy kezeńderi jáne shyǵarmashylyq ortadaǵy kúrdeli sátteri beinelengen. Qoiylymda Meirambek Besbaev, Sáken Maiǵaziev jáne Maqsat Bazarbaevtyń bir arnaǵa toǵysyp, elge tanylǵan trioǵa ainalý joly kórsetiledi.
"Basynda Maqsat Bazarbaev pen Meirambek Besbaev topty qurady. Iaǵni, biz trio qursaq degen armanda júredi. Meiramhanada án aityp jatqan Sáken Maiǵazievti kórip qalady. Úsheýi birigip, top qurady. Gastrolderge shyǵady. Bir bas prodiýser kelip Maqsattyń oiyn buza bastaidy. Toptyń arasyna iritki salǵan. Ol Maqsatqa "Sen topqa jaraspaityn siiaqtysyń. Sen jeke án aitatyndai ánshisiń" degendei sózder aitady. Sóitip ony jekkórinishti qyla bastaidy. Azǵyrady, manipýliatsiia jasaidy. Aqyry Maqsatty ózi ketetindei qylady. Eń myqty tusy: Meirambektiń aýyrǵan kezi. Sol shaqta búkil halyq bolyp duǵada bolǵan. Sol tusyn balet ártisteriniń kómegimen keremet etip, rejisser istep shyqty. Muny, buiyrsa, qonaqqa kelgende kóre jatarsyzdar", – dedi Sherhan Samatuly.
Akter qoiylym negizinen ómirde bolǵan oqiǵalarǵa súiengenin, biraq keibir tustary kórkemdik sheshim úshin ózgertilip, sahnalyq áserdi kúsheitý maqsatynda ásirelengenin atap ótti.
