Áleýmettik jelilerde taralyp, Qazaqstan jurtshylyǵynyń narazylyǵyn týyndatqan beinejazbada úsh turǵyn – eresek er adam men bireýi kámelet jasyna tolmaǵan eki jas jigittiń sheteldik er adammen sóilesip jatqan sáti túsken.
Onda «sheteldik» Ýkrainadaǵy soǵys taqyrybyn bastaǵanda, qazaqstandyq suhbattasýshylar belsendi túrde qoldaityn separatistik málimdemelerge kóshedi.
Olar sóz arasynda birinshi bolyp «Oral qalasy men Chapaevo kentin Resei tartyp alýy kerek» dep málimdep qana qoimai, «qoldaryna avtomat berýdi» jáne «ózderin qoldaityndardyń kóp ekenin» aitady.
Beinejazbadaǵy «batyrlardy» QR UQK men oblystyq politsiia departamentiniń qyzmetkerleri kóp uzamai-aq qolǵa túsirdi. Ustalǵan azamattar keshirim surap, tipti ózderiniń «olai aitqysy kelmegenin», tek «arandatýshylyqqa boi aldyryp qalǵanyn», jalpy alǵanda ózderin «qazaqstandyqpyz dep sanaityndaryn» aitqan, dep jazdy Azattyq Ruhy.
Batys Qazaqstan oblysynyń Politsiia departamenti QR Qylmystyq kodeksiniń 174-babynyń 2-bóligimen «Áleýmettik, ulttyq, násildik, rýlyq, taptyq nemese dini alaýyzdyqty qozdyrý» boiynsha qylmystyq is qozǵalǵanyn habarlady.
Olar bes jyldan on jylǵa deiin bas bostandyǵynan aiyrylýy múmkin.
Tergeý múddesine qatysty basqa derekter jariialanbaidy.
https://youtu.be/wg9mhuwxPEA
