Ulttyq testileý ortalyǵy men UBT tóńireginde daý shyqty. Áleýmettik jelilerde 139 ball alǵan túlektiń oqiǵasy qyzý talqylanyp jatyr. Másele qaidan shyqty? Dalanews.kz úńilip kórdi.
Máseleniń mán-jaiyn juz40 oqý ortalyǵynan surap kórdik. Ortalyq ókilderiniń aitýynsha, 17 maýsymda UBT tapsyrýshy túlek 138 ball jinap, oqý saýattylyǵy páninen 2 suraǵyn apelliatsiiaǵa bergen. Nátijesinde oqýshynyń 1 suraǵy ǵana qabyldanǵan.
"Ekinshi suraǵy qabyldanbady. Óziniń jaýabyna senimdi bolǵan oqýshy bul sheshimge narazy boldy. Jaýaby qabyldanbaǵan oqýshymyz ata-anasymen birge Astana qalasyndaǵy Ulttyq testileý ortalyǵyna bardy. Ortalyqqa barǵan kezde jaýapty adamdar oqýshyny jáne anasyn kirgizip, sarapshyny shaqyrtyp, ózderiniń jaýabyn durys etip, mátindi taldap bergen. Alaida oqýshymyz óziniń jaýaby durys ekenine tolyq senimdi. Keiin de bul suraqqa UTO resmi túrde málimdeme jasamady. Oqýshyǵa ball berilmedi, zań turǵysynan da hattama jiberilmedi, oqýshynyń shyryly jabýly kúiinde qaldy", - deidi ortalyq ókili.
Daýdyń basy myna mátinnen shyqqan:
Ortalyq ókilderiniń aitýynsha, 139 ball iesi 2,3-nusqalardy tańdaǵan, al UTO 2 jáne 4-nusqany durys dep eseptegen.
Ortalyq bul týrasynda táýelsiz sarapshylardan, filologtardan pikir suraǵan. Olardyń pikiri oqýshynyń jaýabymen sáikes kelgen.
"2025 jylǵy UBT nátijeleriniń statistikasy boiynsha 210 myń talapker testileýden ótse, onyń 92 myńy apelliatsiiaǵa bergen. Demek bul oqýshylardyń testileý kezindegi suraqtarǵa, jaýaptarǵa degen narazylyǵy kóptigin bildiredi. Elimizdegi joǵary oqý ornyna túsýge arnalǵan basty emtihan osy UBT bolǵandyqtan, oqýshy úshin ár baly mańyzdy ekeni sózsiz. Biyl UBT-da oqýshylardyń apelliatsiiaǵa bergen suraqtaryna ne úshin hattama jiberilmegeni túsiniksiz. Naqty jaýap ala almadyq. Nátijesinde talapkerlerdiń UBT-men qosa "keler jyly da jaǵdai osylai bolsa, suraqtar qate bolyp qalsa ne isteimiz?" degen ýaiymyn kúsheitti.
...Apelliatsiia jaýaby zańda kórsetilgendei hattama retinde jiberilmegendikten, qanshama oqýshy óziniń qai suraǵy qabyldanǵanyn, qai suraǵy ne úshin qabyldanbaǵanyn bile almady. Durys jaýaby kitappen dáleldense de, mardymdy keri bailanys berilmedi. Sonyń kesirinen 1-2 balynan aiyrylǵan oqýshylar da bar. Keler jyly apelliatsiiaǵa ótinish tastaǵan ár oqýshyǵa zań boiynsha hattama jiberilýin, shatastyratyn kúmándi suraqtar bolmaýyn, spetsifikatsiiada joq taqyryptar men baspalar kelmeýin qatań qadaǵalaýdy suraimyz. Bul dúnielerdiń barlyǵy bolashaq talapkerler úshin óte mańyzdy", - dep túiindedi ortalyq ókilderi.
Buǵan deiin qandai jaǵdai boldy?
Eske salaiyq, 2024 jyly grantsyz qalǵan 200-den asa túlek Ǵylym jáne joǵary bilim ministrligin sotqa bergen edi. Alaida ministrlikti sotqa bergen talapker jeńilip qaldy.
