Aqtóbe oblysynyń Kenqiiaq aýylynda 13 jastaǵy oqýshy óz-ózine qol jumsady, dep habarlaidy Dalanews.kz.
Kriminalnyi Kazahstan telegram arnasy usynǵan málimetterge sáikes, jasóspirim sol kúni mekteptiń ekinshi aýysymyna barýy tiis bolǵan. Alaida sabaqqa kelmegen soń, muǵalimder onyń otbasymen bailanysqa shyǵyp, izdestirý jumystary bastalǵan.
21 sáýir keshkisin ata-anasy balany úiiniń janyndaǵy qoradan tapqan.
Qazirgi ýaqytta oqiǵanyń túrli nusqalary qarastyrylyp jatyr. Onyń ishinde mekteptegi jaǵdailar da tekserilýde. Naqty sebepter tergeý nátijesinde belgili bolady.
"Belgili bolǵandai, jasóspirim tolyq otbasynda tárbielengen. Ákesi munai salasynda jumys isteidi, al anasy – muǵalim. Otbasynda tórt bala bar, marqum – ekinshi perzent. Muǵalimderdiń aitýynsha, ol belsendi oqýshy bolǵan, mektep ómirine aralasyp, at sportyna qyzyqqan", - deidi derekkóz.
Atalǵan derek boiynsha politsiia qylmystyq is qozǵap, tekserý jumystaryn júrgizip jatyr. Sonymen qatar mektepte de qyzmettik tekseris bastalǵan.
