اقتٶبە وبلىسىنىڭ كەنقيياق اۋىلىندا 13 جاستاعى وقۋشى ٶز-ٶزٸنە قول جۇمسادى, دەپ حابارلايدى Dalanews.kz.
كريمينالنىي كازاحستان تەلەگرام ارناسى ۇسىنعان مەلٸمەتتەرگە سەيكەس, جاسٶسپٸرٸم سول كٷنٸ مەكتەپتٸڭ ەكٸنشٸ اۋىسىمىنا بارۋى تيٸس بولعان. الايدا ساباققا كەلمەگەن سوڭ, مۇعالٸمدەر ونىڭ وتباسىمەن بايلانىسقا شىعىپ, ٸزدەستٸرۋ جۇمىستارى باستالعان.
21 سەۋٸر كەشكٸسٸن اتا-اناسى بالانى ٷيٸنٸڭ جانىنداعى قورادان تاپقان.
قازٸرگٸ ۋاقىتتا وقيعانىڭ تٷرلٸ نۇسقالارى قاراستىرىلىپ جاتىر. ونىڭ ٸشٸندە مەكتەپتەگٸ جاعدايلار دا تەكسەرٸلۋدە. ناقتى سەبەپتەر تەرگەۋ نەتيجەسٸندە بەلگٸلٸ بولادى.
"بەلگٸلٸ بولعانداي, جاسٶسپٸرٸم تولىق وتباسىندا تەربيەلەنگەن. ەكەسٸ مۇناي سالاسىندا جۇمىس ٸستەيدٸ, ال اناسى – مۇعالٸم. وتباسىندا تٶرت بالا بار, مارقۇم – ەكٸنشٸ پەرزەنت. مۇعالٸمدەردٸڭ ايتۋىنشا, ول بەلسەندٸ وقۋشى بولعان, مەكتەپ ٶمٸرٸنە ارالاسىپ, ات سپورتىنا قىزىققان", - دەيدٸ دەرەككٶز.
اتالعان دەرەك بويىنشا پوليتسييا قىلمىستىق ٸس قوزعاپ, تەكسەرۋ جۇمىستارىن جٷرگٸزٸپ جاتىر. سونىمەن قاتار مەكتەپتە دە قىزمەتتٸك تەكسەرٸس باستالعان.
