Bul týraly QR Bas memlekettik sanıtarlyq dárigeriniń jańa qaýlysynda aıtylǵan, dep habarlaıdy Dalanews.kz.
Jańa qaýlyǵa sáıkes «2020-2021 oqý jylynyń tórtinshi toqsanynda:
– respýblıkanyń barlyq óńirlerinde: kontıngenti 300 oqýshyǵa deıin qalalyq jáne aýyldyq mektepterde synyptardaǵy balalar sanyn 25 adamnan asyrmaı dástúrli formatta oqytýǵa;
bilim berý uıymy ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda oqýshylardy jeke oqytýǵa;
– táýekeli tómen jáne ortasha aımaqtarda (jasyl jáne sary aımaqtar) ornalasqan óńirlerdegi jalpy bilim beretin mektepterde barlyq synyptardyń oqýshylary úshin synyptardaǵy balalar sanyn 25 adamnan asyrmaı aralas formatta oqytýǵa;
– táýekeli joǵary aımaqta (qyzyl aımaq) ornalasqan óńirlerde: jalpy bilim beretin mektepterde 1 synyptan bastap 5 synypty qosa alǵanda, halyqaralyq mektepterde 1 synyptan bastap 7 synypty qosa alǵanda, mektep aldy synyptarynyń oqýshylary úshin synyptardaǵy balalar sanyn 25 adamnan asyrmaı aralas formatta oqytýǵa;
oqý bitiretin synyptar ( 9, 11 (12) synyptar ) úshin aptanyń 6 kúni ishinde: pánderdiń 70%-yn shtattyq rejımde, 30%-yn qashyqtyqtan aralas formatta oqytýǵa ruqsat etilmek;
Qaýlynyń tolyq mátinin myna jerden oqýǵa bolady.
Aıta ketsek, mektep oqýshylarynyń kóktemgi demalysy 20-31 naýryz aralyǵynda – 12 kúnge sozylady. 4-toqsan sabaǵy 1 sáýirde bastalady.
