Pavlodarda matematika pániniń muǵalimine qatysty qozǵalǵan qylmystyq is jabyldy, dep habarlaidy Dalanews.kz.
Ol sabaq barysynda joǵary synyp oqýshysyn shegemen arqasynan túrtip jibergen edi. Oqiǵa sáti beinebaqylaý kamerasyna túsip qalǵan. Ata-analar politsiiaǵa aryz túsirip, muǵalim jumystan bosatylǵan edi.
Alaida saraptama nátijesinde oqýshynyń denesine zaqym kelmegeni anyqtalyp, qylmys quramy joq dep tanyldy. Osyǵan bailanysty tergeý organdary isti toqtatty.
"Sotqa deiingi tergep-tekserý materialdary boiynsha qylmystyq quqyqbuzýshylyq quramynyń bolmaýyna bailanysty is óndirisi toqtatyldy. Muny sot-meditsinalyq saraptamanyń qorytyndysy, kámeletke tolmaǵandy kýálandyrǵan sarapshynyń jaýap berý hattamasy, sondai-aq kabinettegi beinejazbany qaraý arqyly eshqandai dene jaraqatynyń bolmaǵany dáleldedi", – dep jaýap berdi Pavlodar oblystyq Politsiia departamentiniń baspasóz qyzmeti Tengrinews.kz tilshisiniń resmi saýalyna.
Bilim berý bóliminiń ókilderi bul áreketti pedagogikalyq talaptarǵa sai emes dep baǵalaǵanymen, keiinirek muǵalimniń keshirim suraǵanyn jáne qyzmetine qaita oralatynyn málimdedi.
Eske salaiyq, Pavlodardaǵy №26 mektepte sabaq barysynda muǵalim taqtada turǵan oqýshynyń arqasyna shege tyǵyp alǵan.
Zardap shekken stýdenttiń ápkesi bolǵan jaidy aityp berdi. Mektep oqýshysy taqtada turǵanynda, muǵalim onyń arqasyna burandy shegeni suǵyp alǵan.
Ol kezde direktor muǵalimniń sol kúni jumystan shyǵarylǵanyn aitqan. Alaida, qazir muǵalimniń atalmysh mektepte jumys istep júrgeni belgili boldy.
"Qyzmettik tergeý júrgizý kezinde muǵalimdi qyzmetinde qaldyrý týraly sheshim qabyldandy. Qazirgi ýaqytta bilim bóliminiń mamandary mektep ákimshiligimen birlesip, faktilerge jan-jaqty tekserý júrgizedi jáne pedagogtyń is-áreketine quqyqtyq baǵa beredi", - dep habarlady Pavlodar Bilim bólimi.
Balanyń ózine jáne onyń ata-anasyna qajetti psihologiialyq jáne áleýmettik qoldaý kórsetýge ýáde berildi.
"Tergeý QR Eńbek kodeksiniń barlyq rásimdik talaptaryn saqtai otyryp júzege asyrylatyn bolady: qajetti jazbasha túsiniktemeler talap etildi, kýágerlermen áńgimeler júrgizildi, beinematerialdar taldandy. Tekserý nátijeleri boiynsha yqtimal tártiptik sharalardy qoldaný nemese eńbek qatynastaryn burynǵy sharttarda saqtaý týraly qorytyndy sheshim qabyldanady", - dep tolyqtyrdy vedomstvoda.
