Oqý-aǵartý ministri Juldyz Súleimenova óńirlerdiń Bilim basqarmalaryna shúilikti, dep habarlaidy Dalanews.kz.
Ministr óńirler arasyndaǵy bilim sapasynyń alshaqtyǵy týraly aityp, keibir oblystar artta qalýyna qatysty syni pikir bildirdi.
"Ókinishke qarai, aramyzda bilim sapasyn oqýshynyń tereń bilimimen emes, atqarylǵan jobalar sanymen ólsheitin menedjerler áli de bar. Bizge qaǵaz júzindegi esep emes, shákirttiń shynaiy jetistigi men bilim deńgeii óskeni qajet. Sol sebepti óńirlerde qalyptasqan jaǵdaidy búkpesiz aityp, ony sheshýdiń joldaryn birge izdestirgende ǵana nátije bolady", - dedi Juldyz Súleimenova.
Ministrlik málimetinshe, mektep direktorlarynyń basqarýshylyq daǵdysy tómen bolýy bilim júiesiniń sapasyna tikelei áser etip otyr.
"Oǵan qosa mektep ishindegi korporativ mádeniet tómendeýine ákep soǵyp jatyr, mundai mektepterde muǵalimderdiń mazasy qashyp, ortalyqqa hat jazýy jiilep ketken. Qazir el aýmaǵyndaǵy mektepterde 490 mektep direktory laýazymy bos tur", - dep jazylǵan habarlamada.
Mektep basshylary Soltústik Qazaqstan, Aqmola, Shyǵys Qazaqstan, Qaraǵandy oblystarynda jetispei jatyr. 2025 jyly direktorlyqqa úmitkerlerdiń 21 paiyzy ǵana testileýden ótken. Jiynda direktorlar jetispeitin óńirlerge bilikti mamandardy basqa aimaqtardan tartý múmkindigin qarastyrý jaiy da aityldy.
