Al osy merzim aralyǵynda oǵlandarymyz túrli sport boiynsha ótken Álem chempionattary men Kýboktarynda 34 altyn, 21 kúmis jáne 37 qola medal jeńip aldy. Osylaisha ońtústikqazaqstandyq sportshylar jyl basynan beri túrli sport túrinen 1454 medalǵa qol jetkizdi. Bul Elbasynyń qazaqstandyq sportqa kórsetilip jatqan qoldaýy men sporttyń damýyna úlken mán berilýiniń arqasy dep bilemiz»,- deidi oblystyq dene shynyqtyrý jáne sport basqarmasynyń ókilderi.
Mamandardyń aitýynsha, jalpy oblys kóleminde 63 sport túrleri damytylýda. Al, óńirde osy jyly 8 Qazaqstan Respýblikasyna eńbegi sińgen sport sheberi, 34 halyqaralyq dárejedegi sport sheberi, 173 Qazaqstan Respýblikasynyń sport sheberi, 794 sport sheberine úmitker sportshylar daiyndalǵan.
Sonymen qatar, buqaralyq sportty damytý maqsatynda oblys aýmaǵynda 4614 is-sharalar ótkizilip, oǵan 541 myńnan asa adam qatysty. Aýyldy jerlerde 2884 sporttyq is-sharalar ótkizilip, oǵan 332 myń adam qamtyldy. 2017 jyldyń qorytyndysy boiynsha oblysta dene shynyqtyrý jáne sportpen turaqty túrde shuǵyldanýshylar sany 767,8 myńnan astam adamdy qurap, oblystaǵy barlyq jastaǵy halyqtyń sportpen qamtylýy 26,3 paiyzdy qurady.
Budan bólek, Qazaqstan premer-ligasynyń 30-týrynda «Ordabasy» fýtbol klýby óz tarihynda birinshi ret qola júldeger atanyp, keler jyly Eýropa ligasynda óner kórsetýge múmkindik aldy.
OQO ákiminiń baspasóz qyzmeti
