وڭتۇستىك قازاقستان وبلىسىنىڭ سپورتشىلارى 2017 جىلدى جەمىستى اياقتادى. سەبەبى ولار ءتۇرلى سپورت تۇرلەرىنەن قازاقستان رەسپۋبليكاسىنىڭ چەمپيوناتتارى مەن بىرىنشىلىكتەرىنە قاتىسىپ، 400 التىن، 396 كۇمىس، 393 قولا مەدالعا قول جەتكىزسە، ازيا چەمپيوناتتارىندا 78  التىن، 53  كۇمىس جانە 42 قولا مەدالگە يە بولدى.

ال وسى مەرزىم ارالىعىندا وعلاندارىمىز ءتۇرلى سپورت بويىنشا وتكەن الەم چەمپيوناتتارى مەن كۋبوكتارىندا 34  التىن، 21 كۇمىس جانە 37 قولا مەدال جەڭىپ الدى. وسىلايشا وڭتۇستىكقازاقستاندىق سپورتشىلار جىل باسىنان بەرى ءتۇرلى سپورت تۇرىنەن 1454 مەدالعا قول جەتكىزدى. بۇل ەلباسىنىڭ قازاقستاندىق سپورتقا كورسەتىلىپ جاتقان قولداۋى مەن  سپورتتىڭ دامۋىنا ۇلكەن ءمان بەرىلۋىنىڭ ارقاسى دەپ بىلەمىز»،- دەيدى وبلىستىق دەنە شىنىقتىرۋ جانە سپورت باسقارماسىنىڭ وكىلدەرى.

مامانداردىڭ ايتۋىنشا، جالپى وبلىس كولەمىندە 63 سپورت تۇرلەرى دامىتىلۋدا. ال، وڭىردە وسى جىلى 8 قازاقستان رەسپۋبليكاسىنا ەڭبەگى سىڭگەن سپورت شەبەرى، 34 حالىقارالىق دارەجەدەگى سپورت شەبەرى، 173 قازاقستان رەسپۋبليكاسىنىڭ سپورت شەبەرى، 794 سپورت شەبەرىنە ۇمىتكەر سپورتشىلار دايىندالعان.

سونىمەن قاتار، بۇقارالىق سپورتتى دامىتۋ ماقساتىندا وبلىس اۋماعىندا 4614 ءىس-شارالار وتكىزىلىپ، وعان 541 مىڭنان اسا ادام قاتىستى. اۋىلدى جەرلەردە  2884 سپورتتىق ءىس-شارالار وتكىزىلىپ، وعان 332 مىڭ ادام قامتىلدى. 2017 جىلدىڭ قورىتىندىسى بويىنشا وبلىستا دەنە شىنىقتىرۋ جانە سپورتپەن تۇراقتى تۇردە شۇعىلدانۋشىلار سانى  767،8 مىڭنان استام ادامدى قۇراپ، وبلىستاعى بارلىق جاستاعى حالىقتىڭ سپورتپەن قامتىلۋى 26،3 پايىزدى قۇرادى.

بۇدان بولەك، قازاقستان پرەمەر-ليگاسىنىڭ 30-تۋرىندا «ورداباسى» فۋتبول كلۋبى ءوز تاريحىندا ءبىرىنشى رەت قولا جۇلدەگەر اتانىپ، كەلەر جىلى ەۋروپا ليگاسىندا ونەر كورسەتۋگە مۇمكىندىك الدى.



وقو اكىمىنىڭ باسپا ءسوز قىزمەتى