OQO ákiminiń birinshi orynbasary taǵaiyndaldy
Aimaq basshysy jańa orynbasaryna óz salasyndaǵy ózekti máselelerge saraptama jasap, aldaǵy atqarylatyn jumystar boiynsha naqty is-shara josparyn jasaýdy tapsyrdy.
Buǵan deiin osy qyzmetti atqarǵan Darhan Amangeldiuly Satybaldy shetelge oqýǵa ketýine bailanysty óz ótinishi negizinde jumystan bosatyldy. Óńirde qyzmet atqarǵan jyldary ishindegi jemisti jumysy úshin D.Satybaldyǵa oblys ákimi J.Túimebaev alǵysyn bildirip, «Oblysqa sińirgen eńbegi úshin» medalimen marapattady.
Á.Sh.Óserbaev 1961 jyly týylǵan, bilimi joǵary, mamandyǵy boiynsha biliktiligi injener-himik-tehnolog.
Eńbek jolyn 1983 jyly Qaraǵandy asbest-tsement ónimderin shyǵaratyn zaýytynyń mashinisti retinde bastaǵan. 1986-2014 jyldary Túrkistan qalasy qurylys detaldary men konstrýktsiialary kombinaty zerthanasynyń injeneri, masteri, ekonomisti, tseh bastyǵy, bas injeneri, «Qýat Sýindýstriia» AQ, «KazakhConstruction Industry» AQ Túrkistan qalasy rýdasyz materialdar kombinaty filialdarynyń direktory, Túrkistan qalalyq máslihaty hatshysynyń mindetin atqarýshy, Túrkistan qalasy qurylys bóliminiń meńgerýshisi, Kentaý, Túrkistan qalasy ákiminiń orynbasary, Túrkistan qalasynyń ákimi, oblystyq kásipkerlik jáne indýstriialdy-innovatsiialyq damý basqarmasynyń basshysy laýazymdaryn atqarǵan.
2014 jyldyń qyrkúiek aiynan bastap búginge deiin Ońtústik Qazaqstan oblysy Túrkistan qalasynyń ákimi bolyp qyzmet etip keldi.
OQO ákiminiń baspasóz qyzmeti
