Kezdesý barysynda taraptar aýyl sharýashylyq taýar óndirýshileriniń ónimderin eksporttaý jaiyn sóz etip, taýar óndirýshilerge qoldaý men keshendi qyzmet kórsetý jaiyn sóz etti.
– Búgingi kezdesý eki el arasyndaǵy saýda-ekonomikalyq qatynastardy damytyp, ózara yntymaqtastyqty arttyra túsedi dep senemin. «Fýdsib» kóterme jáne bólshek saýda kesheniniń áleýetin ońtústikqazaqstandyq taýar óndirýshiler tiimdi paidalaný maqsatynda birqatar mańyzdy máselelerdi talqylaityn bolamyz. Bul kezdesý ekijaqqa da tiimdi bolatynyna senimim mol, – dedi Janseiit Qanseiituly.
Aita keteiik, ótken jyly «OŃTÚSTIK» aimaqtyq investitsiialyq ortalyǵy men «Fýdsib» saýda kesheni arasynda ekijaqty yntymaqtastyq týraly memorandýmǵa qol qoiylyp, «RIC ON EXPORT» baǵdarlamasy iske qosylǵan bolatyn. Jobanyń basty maqsaty – aýylsharýashylyq ónimderin óndirýshileriniń eksporttyq áleýetin damytý bolyp tabylady. Atalǵan kelisim aiasynda Novosibir qalasyna ońtústikte óndirilgen aýyl sharýashylyǵ,y ónimderi jóneltilgen bolatyn. Ekijaqty kelisimge sai búginde «OŃTÚSTIK» AIO «RIC ON EXPORT» aýylsharýashylyq óndirýshileriniń eksporttyq áleýetin damytý baǵdarlamasynyń sheńberinde ortalyqpen qarjylandyrylǵan aýyl sharýashylyq taýar óndirýshileriniń qatysýymen «RIC ON KORME» atty turaqty kórme-jármeńke uiymdastyrýda.
OQO ákiminiń baspasóz qyzmeti
