كەزدەسۋ بارىسىندا تاراپتار اۋىل شارۋاشىلىق تاۋار وندىرۋشىلەرىنىڭ ونىمدەرىن ەكسپورتتاۋ جايىن ءسوز ەتىپ، تاۋار وندىرۋشىلەرگە قولداۋ مەن كەشەندى قىزمەت كورسەتۋ جايىن ءسوز ەتتى.
– بۇگىنگى كەزدەسۋ ەكى ەل اراسىنداعى ساۋدا-ەكونوميكالىق قاتىناستاردى دامىتىپ، ءوزارا ىنتىماقتاستىقتى ارتتىرا تۇسەدى دەپ سەنەمىن. «فۋدسيب» كوتەرمە جانە بولشەك ساۋدا كەشەنىنىڭ الەۋەتىن وڭتۇستىكقازاقستاندىق تاۋار وندىرۋشىلەر ءتيىمدى پايدالانۋ ماقساتىندا ءبىرقاتار ماڭىزدى ماسەلەلەردى تالقىلايتىن بولامىز. بۇل كەزدەسۋ ەكىجاققا دا ءتيىمدى بولاتىنىنا سەنىمىم مول، – دەدى جانسەيىت قانسەيىت ۇلى.
جالپى اۋماعى 80 مىڭ شارشى مەتردى قۇرايتىن «فۋدسيب» كوتەرمە جانە بولشەك ساۋدا كەشەنى رەسەيدىڭ ءنوۆوسىبىر قالاسىندا ورنالاسقان. ساۋدا كەشەنىنە تمد ەلدەرى مەن رەسەيدىڭ وزگە دە ايماقتارىنان ازىق-تۇلىك تاۋارلارى تاسىمالدانادى. اتالعان ساۋدا ورنىندا سالقىنداتقىش قويمالار مەن دەمالىس كەشەندەرى، رەستوراندار مەن 200 اۋىر جۇك كولىگىنە ارنالعان ارنايى تۇراق جۇمىس ىستەيدى. جىلىنا مۇندا 120 مىڭ تونناعا جۋىق كوكونىس پەن جەمىس-جيدەك ساۋدالانادى. اتالعان كەشەننىڭ ينۆەستيسيالىق قۇنى – 5،8 ملرد تەڭگەنى قۇرايدى.
ايتا كەتەيىك، وتكەن جىلى «وڭتۇستىك» ايماقتىق ينۆەستيسيالىق ورتالىعى مەن «فۋدسيب» ساۋدا كەشەنى اراسىندا ەكىجاقتى ىنتىماقتاستىق تۋرالى مەموراندۋمعا قول قويىلىپ، «RIC ON EXPORT» باعدارلاماسى ىسكە قوسىلعان بولاتىن. جوبانىڭ باستى ماقساتى – اۋىلشارۋاشىلىق ونىمدەرىن وندىرۋشىلەرىنىڭ ەكسپورتتىق الەۋەتىن دامىتۋ بولىپ تابىلادى. اتالعان كەلىسىم اياسىندا ءنوۆوسىبىر قالاسىنا وڭتۇستىكتە وندىرىلگەن اۋىل شارۋاشىلىع،ى ونىمدەرى جونەلتىلگەن بولاتىن. ەكىجاقتى كەلىسىمگە ساي بۇگىندە «وڭتۇستىك» ايو «RIC ON EXPORT» اۋىلشارۋاشىلىق وندىرۋشىلەرىنىڭ ەكسپورتتىق الەۋەتىن دامىتۋ باعدارلاماسىنىڭ شەڭبەرىندە ورتالىقپەن قارجىلاندىرىلعان اۋىل شارۋاشىلىق تاۋار وندىرۋشىلەرىنىڭ قاتىسۋىمەن «RIC ON KORME» اتتى تۇراقتى كورمە-جارمەڭكە ۇيىمداستىرۋدا.
وقو اكىمىنىڭ باسپا ءسوز قىزمەتى
