«Open space» – halyqqa qyzmet kórsetýdiń tiimdi joly
Qazirgi tańda «Azamattarǵa arnalǵan úkimet» memlekettik korporatsiiasy «Tsifrly Qazaqstan» baǵdarlamasyn júzege asyrýda birqatar jumystardy qolǵa alǵan. Sonyń biri - azamattardyń joǵaryda atalǵan múmkindikterdi paidalana bilýine jaǵdai jasap, jappai tsifrlyq saýattandyrýdy júzege asyrý bolyp tabylady.
Jýyrda «Bir tereze» qaǵidaty negizinde Shý qalalyq ákimshilik apparatynyń ǵimaratynda «Open space» dep atalatyn arnaiy ortalyq ashyldy. Naqtyraq aitqanda, bul –memlekettik jáne ózge de jergilikti atqarýshy organdar kórsetetin qyzmetterdi jedel, ári jyldam usynyp, azamattardyń talap-tilekterin ońynan sheshý úshin oilastyrǵan joba. Qazaqstan Respýblikasynyń memlekettik qyzmet isteri jáne sybailas jemqorlyqqa qarsy is-qimyl agenttiginiń Jambyl oblysy boiynsha departamentiniń bastamasymen júzege asqan bul joba tájiribesi oblys boiynsha bizdiń aýdannan bastaý alǵandyǵyn atap ótkimiz keledi.
Qyzmet kórsetý ortalyǵynyń ashylý saltanatyna aýdannyń burynǵy ákimi Qairat Dosaev qatysyp, qalalyq ardagerler keńesi uiymynyń tóraǵasy Qýanysh Qarǵabaevpen birge lentasyn qidy. Osydan keiin shýlyq turǵyndar ortalyq ishin aralap kórip, sol kúnnen bastap qyzmet kórsetýshilerge qujat boiynsha kókeilerindegi saýaldaryn qoidy.
Endi shýlyqtar bir ortalyqtan birneshe qyzmet túrin ala alatyn bolady. Al onyń ishinde kelýshilerge bar jaǵdai qarastyrylǵan. Munda kezek kútýshiler ýaqyt ótkizý úshin teledidar men gazet-jýrnal qaraýyna bolady. Al ata-anasymen erip kelgen balalarǵa oiynshyqtar qoiylǵan. Mine, osylaisha shýlyq shendiler qarapaiym halyqqa qyzmet kórsetýdiń oń úlgisin kórsetýde.
