قازىرگى تاڭدا «ازاماتتارعا ارنالعان ۇكىمەت» مەملەكەتتىك كورپوراسياسى «سيفرلى قازاقستان» باعدارلاماسىن جۇزەگە اسىرۋدا ءبىرقاتار جۇمىستاردى قولعا العان. سونىڭ ءبىرى - ازاماتتاردىڭ جوعارىدا اتالعان مۇمكىندىكتەردى پايدالانا بىلۋىنە جاعداي جاساپ، جاپپاي سيفرلىق ساۋاتتاندىرۋدى جۇزەگە اسىرۋ بولىپ تابىلادى.
جۋىردا «ءبىر تەرەزە» قاعيداتى نەگىزىندە شۋ قالالىق اكىمشىلىك اپپاراتىنىڭ عيماراتىندا «Open space» دەپ اتالاتىن ارنايى ورتالىق اشىلدى. ناقتىراق ايتقاندا، بۇل –مەملەكەتتىك جانە وزگە دە جەرگىلىكتى اتقارۋشى ورگاندار كورسەتەتىن قىزمەتتەردى جەدەل، ءارى جىلدام ۇسىنىپ، ازاماتتاردىڭ تالاپ-تىلەكتەرىن وڭىنان شەشۋ ءۇشىن ويلاستىرعان جوبا. قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتىنىڭ باستاماسىمەن جۇزەگە اسقان بۇل جوبا تاجىريبەسى وبلىس بويىنشا ءبىزدىڭ اۋداننان باستاۋ العاندىعىن اتاپ وتكىمىز كەلەدى.
قىزمەت كورسەتۋ ورتالىعىنىڭ اشىلۋ سالتاناتىنا اۋداننىڭ بۇرىنعى اكىمى قايرات دوسايەۆ قاتىسىپ، قالالىق ارداگەرلەر كەڭەسى ۇيىمىنىڭ ءتوراعاسى قۋانىش قارعابايەۆپەن بىرگە لەنتاسىن قيدى. وسىدان كەيىن شۋلىق تۇرعىندار ورتالىق ءىشىن ارالاپ كورىپ، سول كۇننەن باستاپ قىزمەت كورسەتۋشىلەرگە قۇجات بويىنشا كوكەيلەرىندەگى ساۋالدارىن قويدى.
ەندى شۋلىقتار ءبىر ورتالىقتان بىرنەشە قىزمەت ءتۇرىن الا الاتىن بولادى. ال ونىڭ ىشىندە كەلۋشىلەرگە بار جاعداي قاراستىرىلعان. مۇندا كەزەك كۇتۋشىلەر ۋاقىت وتكىزۋ ءۇشىن تەلەديدار مەن گازەت-جۋرنال قاراۋىنا بولادى. ال اتا-اناسىمەن ەرىپ كەلگەن بالالارعا ويىنشىقتار قويىلعان. مىنە، وسىلايشا شۋلىق شەندىلەر قاراپايىم حالىققا قىزمەت كورسەتۋدىڭ وڭ ۇلگىسىن كورسەتۋدە.
