2024 jylǵy 2 qazanda keshkisin Qazaqstan úshin mańyzdy Birlesken ministrlik monitoring komitetiniń (JMMC) 56-shy otyrysy ótti. 2024 jyldyń shilde jáne tamyz ailaryndaǵy shiki munai óndirý málimetteri men aǵymdaǵy naryq jaǵdailary talqylanǵan bul otyrys aldyndaǵy telefon arqyly ótkizilgen konferentsiiada arab elderi Qazaqstan men Irakqa ses kórsetken edi. Osy jaittar men Qazaqstan pozitsiiasy týraly Dalanews.kz maqalasynan tanysa alasyzdar.
"Saýd Arabiiasynyń energetika ministri, hanzada Abdel Aziz bin Salman OPEK+ elderi munai óndirýdi shekteý týraly kelisimdi buza berse, munai baǵasy barreline 50 dollarǵa deiin quldyraýy múmkin ekenin eskertti. Al bul degen Saýd Arabiiasy alians músheleri kvotalardy saqtamasa, baǵa soǵysy bastalýy múmkin. Hanzada, ásirese bul rette Irak pen Qazaqstandy atap ótti, olar únemi kelisken shekteýlerdi buzady. Tamyz aiynda Irak óz kvotasyn táýligine 400 myń barrelge arttyrsa, Qazaqstan Teńiz kenishindegi jumysty jandandyrýǵa bailanysty munai óndirýdi kóbeitýdi josparlap otyr", delingen telefon konferentsiiaǵa qatysqan delegattar sózin jariialaǵan The Wall Street Journal basylymyndaǵy maqalada.
Osylaisha Saýd Arabiiasy kelisimderdi saqtaýdy talap etýde, óndiristiń ulǵaiýy naryqtyń artyq tolýyna jáne baǵanyń quldyraýyna ákelýi múmkin ekenin basa aitty.
Onyń ústine Taiaý Shyǵystaǵy geosaiasi shielenis munai naryǵyndaǵy alyptardyń degbirin qashyrýda. 1 qazanda keshke Iran Izrailge zymyrandar atqylaǵan soń Brent markaly munaidyń baǵasy kúrt kóterilip, halyqaralyq etalon 5%-ǵa qymbattady. Osylaisha qara altynnyń bir barreliniń quny 75 dollardy qurady.Qor birjasyndaǵy sarapshylar aimaqtaǵy qaqtyǵystyń ýshyǵýy Parsy shyǵanaǵynan eksporttalatyn munaidyń Ormýz buǵazy arqyly jetkizilýine kedergi keltirýi múmkin dep qaýiptenedi.Mundai jaǵdaida buǵan deiin jumys istep turǵan yqpal tetikter óz kúshin joiýy yqtimal. Sondyqtan arab elderiniń júikesi syr beretin jóni bar.
Degenmen atalǵan kezdesý barysynda Irak Respýblikasy, Qazaqstan Respýblikasy jáne Resei Federatsiiasy qyrkúiek aiynda usynylǵan ótemaqy josparlaryna sáikes óz mindettemelerin tolyǵymen oryndaǵandaryn rastady.
"Úsh el kelisimniń qalǵan merziminde mindettemelerin oryndaýǵa jáne ótemaqy tóleýge beiildiligin de naqtylady.Komitet Irak Respýblikasy, Qazaqstan Respýblikasy jáne Resei Federatsiiasy ókilderiniń qatysýymen tamyz jáne qyrkúiek ailarynda ótemaqy josparlaryn oryndaý týraly úsh jeke tehnikalyq seminar men analitikalyq agenttikterdiń qatysqanyn atap ótti. Monitoring komitetine qatysýshylar mindettemeler men ótemaqylardy oryndaýdyń asa mańyzdy ekendigin erekshe atap ótti. Monitoring kabineti buryn qabyldanǵan mindettemelerdiń, sonyń ishinde qosymsha erikti qysqartýlardyń oryndalýyn baqylaýdy jalǵastyrady jáne naryqtyq jaǵdaidy turaqty túrde baǵalaidy", delingen 2 qazanda jariialaǵan QR Energetika ministrligi baspasóz qyzmetiniń habarlamasynda.
Monitoring komitetiniń kelesi 57-shi otyrysy 2024 jylǵy 1 jeltoqsanda ótedi dep josparlanyp otyr.
