وسىلايشا ساۋد ارابياسى كەلىسىمدەردى ساقتاۋدى تالاپ ەتۋدە، ءوندىرىستىڭ ۇلعايۋى نارىقتىڭ ارتىق تولۋىنا جانە باعانىڭ قۇلدىراۋىنا اكەلۋى مۇمكىن ەكەنىن باسا ايتتى.

ونىڭ ۇستىنە تاياۋ شىعىستاعى گەوساياسي شيەلەنىس مۇناي نارىعىنداعى الىپتاردىڭ دەگبىرىن قاشىرۋدا. 1 قازاندا كەشكە يران يزرايلگە زىمىراندار اتقىلاعان سوڭ Brent ماركالى مۇنايدىڭ باعاسى كۇرت كوتەرىلىپ، حالىقارالىق ەتالون 5%-عا قىمباتتادى. وسىلايشا قارا التىننىڭ ءبىر باررەلىنىڭ قۇنى 75 دوللاردى قۇرادى.قور بيرجاسىنداعى ساراپشىلار ايماقتاعى قاقتىعىستىڭ ۋشىعۋى پارسى شىعاناعىنان ەكسپورتتالاتىن مۇنايدىڭ ورمۋز بۇعازى ارقىلى جەتكىزىلۋىنە كەدەرگى كەلتىرۋى مۇمكىن دەپ قاۋىپتەنەدى.مۇنداي جاعدايدا بۇعان دەيىن جۇمىس ىستەپ تۇرعان ىقپال تەتىكتەر ءوز كۇشىن جويۋى ىقتيمال. سوندىقتان اراب ەلدەرىنىڭ جۇيكەسى سىر بەرەتىن ءجونى بار.

دەگەنمەن اتالعان كەزدەسۋ بارىسىندا يراك رەسپۋبليكاسى، قازاقستان رەسپۋبليكاسى جانە رەسەي فەدەراسياسى قىركۇيەك ايىندا ۇسىنىلعان وتەماقى جوسپارلارىنا سايكەس ءوز مىندەتتەمەلەرىن تولىعىمەن ورىنداعاندارىن راستادى.

"ءۇش ەل كەلىسىمنىڭ قالعان مەرزىمىندە مىندەتتەمەلەرىن ورىنداۋعا جانە وتەماقى تولەۋگە بەيىلدىلىگىن دە ناقتىلادى.كوميتەت يراك رەسپۋبليكاسى، قازاقستان رەسپۋبليكاسى جانە رەسەي فەدەراسياسى وكىلدەرىنىڭ قاتىسۋىمەن تامىز جانە قىركۇيەك ايلارىندا وتەماقى جوسپارلارىن ورىنداۋ تۋرالى ءۇش جەكە تەحنيكالىق سەمينار مەن اناليتيكالىق اگەنتتىكتەردىڭ قاتىسقانىن اتاپ ءوتتى. مونيتورينگ كوميتەتىنە قاتىسۋشىلار مىندەتتەمەلەر مەن وتەماقىلاردى ورىنداۋدىڭ اسا ماڭىزدى ەكەندىگىن ەرەكشە اتاپ ءوتتى. مونيتورينگ كابينەتى بۇرىن قابىلدانعان مىندەتتەمەلەردىڭ، سونىڭ ىشىندە قوسىمشا ەرىكتى قىسقارتۋلاردىڭ ورىندالۋىن باقىلاۋدى جالعاستىرادى جانە نارىقتىق جاعدايدى تۇراقتى تۇردە باعالايدى"، دەلىنگەن 2 قازاندا جاريالاعان ق ر ەنەرگەتيكا مينيسترلىگى باسپا ءسوز قىزمەتىنىڭ حابارلاماسىندا.