Ońtústik Qazaqstan oblysynyń ákiminiń bastamasymen qolǵa alynǵan ashyq qoǵamdyq qabyldaý sharasy óńirimizde jańasha uiymdastyrylyp otyr. Ondaǵy maqsat – qordalanǵan máselelerdi sheshý úshin bilik pen buqara arasyna ashyq dialog ornatý.
– Tórt birdei qurylym ótkizgen shara birinshi kúnnen-aq, óziniń tiimdiligin kórsete bildi. Jiynda aýyl sharýashylyǵy máseleleri men sáýlet jáne qala qurylysy, jolaýshylar kóligi jáne avtomobil joldaryna qatysty túrli túiitkilder qaraldy. Saǵat 11:00-de bastalǵan qoǵamdyq qabyldaýǵa 58 azamat aryz-shaǵymdaryn ala kelipti. Turǵyndardy kóbinde jer telimi, úi qujatyn rásimdeý, aýyl sharýashylyǵy salasyna qatysty jeńildikter men qarjylai qoldaýlar tolǵandyratynyn baiqaýǵa bolady, – deidi «Nur Otan» partiiasy oblystyq filialynyń qoǵamdyq qabyldaý bólmesiniń meńgerýshisi Berik Quljanov.
Qoǵamdyq qabyldaý sharasyna kelgen azamattar kóteretin máselelerine orai toptastyrylyp, basqarma basshylaryna aryz-shaǵymdaryn tikelei betpe-bet jetkizýge múmkindik jasalǵan. Olardyń arasynda jeke túitkildiń túiinin izdegender de az bolǵan joq. Solardyń biri – sairamdyq turǵyn Gúljaýhar Mámbetálieva da bar. Múgedek balanyń kútimindegi ana memleketten berilgen baspanasyn jekeshelendire almai júrgenin aityp, shaǵymdandy. Al, S. Saparhanov úi qujattarynyń 2007 jyldan beri rásimdei almaǵanyn alǵa tartsa, J. Turǵanbaev jeke úiiniń qyzyl syzyqqa ornalasqanyn ońtaily sheshilmei jatqanyn jetkizdi. Basqarma basshylary turǵyndardy tyńdai kele olardyń muqtajdyqtaryn zań aiasynda qarap, ońtaily sheshýge yqpal etetindikterin málimdedi.
Aldaǵy ýaqytta qoǵamdyq qabyldaý bólmesi partiia ǵimaratynyń kiriberisine ár basqarmaǵa jeke ústel ornatýdy josparlanýda. «Nur Otan» partiiasynyń uiymdastyrýymen ótetin kelesi qoǵamdyq qabyldaý 18 qańtarǵa josparlanyp otyr. Turǵyndar bilim, mádeniet, din isteri, til máselerine qatysty aryzdana alady.
OQO ákiminiń baspasóz qyzmeti
