Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Ońtústikte Qymyzmuryndyq festivali ótti

Dalanews
Ońtústikte Qymyzmuryndyq festivali ótti
Elbasynyń «Bolashaqqa baǵdar: Rýhani jańǵyrý» baǵdarlamasy aiasynda Ońtústik Qazaqstan oblysy Báidibek aýdanynda ejelgi dástúrimizdi qaita jańǵyrtý maqsatynda «Qymyzmuryndyq» festivali ótti.

Sharanyń maqsaty – jurtshylyqtyń ulttyq mádeniet men salt-dástúrge qyzyǵýshylyǵyn arttyrý jáne jastardy salaýatty ómir saltyna tárbieleý, sondai-aq qazaq halqynyń ulttyq sýsyny – qymyzdyń qundylyǵyn nasihattaý. Ulttyq sýsyn merekesine oblys ákimi Janseiit Túimebaev, oblystyq maslihattyń depýtattary, óńir ardagerleri men ziialy qaýym ókilderi, etnomádeni ortalyqtardyń tóraǵalary jáne respýblikalyq, oblystyq blogerler men BAQ qyzmetkerleri qatysty.

Festivalde alǵashqy bolyp sóz alǵan óńir basshysy Janseiit Qanseiituly aitýly merekemen quttyqtap, dástúrdiń mán-mańyzyna toqtaldy.

– Salt-dástúrimizdi qaita jańǵyrtyp, jas urpaqqa úlgi retinde uiymdastyrylyp otyrǵan «Qymyzmuryndyq» festivaliniń orny orasan zor. Bul degenimiz– erte zamanǵy tamyrymyzǵa qaita oralý. Qymyzmuryndyq – bie bailap, alǵashqy qymyz ishý toiy jáne yntymaqtyń, eńbektiń, birliktiń merekesi. Bie saýylyp, onyń súti qorlanyp, ashytylǵan soń eki-úsh kún boiy jinalǵan qymyzǵa aqsaqaldar men kórshi-qolańdar Qymyzmuryndyqqa shaqyrylǵan. Iaǵni alǵashqy qymyz adamdarǵa saltanatpen usynylyp, «kópke buiyrsyn» degen tilekpen berilgen. Qazaqta sýsynnyń Qunan qymyz, Dónen qymyz, Ýyz qymyz, Jazǵy qymyz, Túnemel qymyz siiaqty túrleri bar. Bulardyń árqaiysynyń daiyndalý tásili de ártúrli. Dástúr boiynsha halqymyz bul merekede «Saýar kóp bolsyn!», «Aq mol bolsyn!», «Aýzymyzdy aqtan aiyrmasyn» dep tilek aitysqan, olai bolsa búgingi «Qymyzmuryndyq» toiy qutty bolsyn, – dedi aimaq basshysy.

Sondai-aq, aitýly is-shara aiasynda qymyz baptaýshylar saiysy, qolóner sheberleriniń kórmesi, qulyndy bie jáne sáigúlikterdiń sherýi, ulttyq at sport túrlerinen kórinister, qymyz ishý saiysy ótti. Saiystarǵa 15 aýdan, qalalardan úmitkerler qatysyp, jeńimpazdar oblys ákiminiń arnaiy syilyǵymen, diplomdarmen marapattaldy.

Budan bólek, óńirdegi barlyq aýdan, qalalar kiiz úi tigip, ony bezendirip, etnoaýyl uiymdastyryp qonaqtarǵa merekelik kóńil-kúi syilady.

Qymyzmuryndyq festivalinde qymyz baptaýdan bas júldeni Túlkibas aýdanynyń úmitkerleri ielendi. Taý baýraiynda baptalǵan bal qymyzǵa jurtshylyq riza boldy. Bas júlde iegerlerine qulyndy bie tartý etildi. Birinshi oryndy Báidibek aýdanynyń qymyz baptaýshylary enshilese, ekinshi jáne úshinshi oryndardy Túrkistan qalasy men Ordabasy aýdanynyń úmitkerleri iemdendi. Qolónershiler baiqaýynda túrkistandyq sheberlerdiń baǵy jansa, sáigúlikter saiysynda Shymkent qalasynyń atbegileri jeńimpaz boldy. Jurtshylyq nazaryn aýdarǵan qymyz qumarlar básekesine barlyq aýdannan óte yntaly azamattar qatysty. Asa qyzyqty ótken jarysta 10.5 tostaǵan qymyzdy toqtamai simirgen Arys qalasy, Montaitas aýylynyń turǵyny Almas Jamanqulov jeńiske jetti. Jeńimpazdar men júldegerlerge aqshalai syilyqtar tapsyryldy. Sonymen qatar, qymyz baptaý saiysyna qatysqan úmitkerlerge yntalandyrý syilyqtary tabys etildi.
festival Dástúr Báidibek Arys Rýhani jańǵyrý Qymyzmuryndyq Etnomádeni Ulttyq sýsyn Qymyz Qunan qymyz Dónen qymyz Ýyz qymyz Jazǵy qymyz Túnemel qymyz Aq mol bolsyn! Montaitas aýyly Qolónershiler Madina Sádýaqasova

Oqi otyryńyz