شارانىڭ ماقساتى – جۇرتشىلىقتىڭ ۇلتتىق مەدەنيەت مەن سالت-دەستٷرگە قىزىعۋشىلىعىن ارتتىرۋ جەنە جاستاردى سالاۋاتتى ٶمٸر سالتىنا تەربيەلەۋ, سونداي-اق قازاق حالقىنىڭ ۇلتتىق سۋسىنى – قىمىزدىڭ قۇندىلىعىن ناسيحاتتاۋ. ۇلتتىق سۋسىن مەرەكەسٸنە وبلىس ەكٸمٸ جانسەيٸت تٷيمەباەۆ, وبلىستىق ماسليحاتتىڭ دەپۋتاتتارى, ٶڭٸر ارداگەرلەرٸ مەن زييالى قاۋىم ٶكٸلدەرٸ, ەتنومەدەني ورتالىقتاردىڭ تٶراعالارى جەنە رەسپۋبليكالىق, وبلىستىق بلوگەرلەر مەن باق قىزمەتكەرلەرٸ قاتىستى.
فەستيۆالدە العاشقى بولىپ سٶز العان ٶڭٸر باسشىسى جانسەيٸت قانسەيٸتۇلى ايتۋلى مەرەكەمەن قۇتتىقتاپ, دەستٷردٸڭ مەن-ماڭىزىنا توقتالدى.
بۇدان بٶلەك, ٶڭٸردەگٸ بارلىق اۋدان, قالالار كيٸز ٷي تٸگٸپ, ونى بەزەندٸرٸپ, ەتنواۋىل ۇيىمداستىرىپ قوناقتارعا مەرەكەلٸك كٶڭٸل-كٷي سىيلادى.
قىمىزمۇرىندىق فەستيۆالٸندە قىمىز باپتاۋدان باس جٷلدەنٸ تٷلكٸباس اۋدانىنىڭ ٷمٸتكەرلەرٸ يەلەندٸ. تاۋ باۋرايىندا باپتالعان بال قىمىزعا جۇرتشىلىق ريزا بولدى. باس جٷلدە يەگەرلەرٸنە قۇلىندى بيە تارتۋ ەتٸلدٸ. بٸرٸنشٸ ورىندى بەيدٸبەك اۋدانىنىڭ قىمىز باپتاۋشىلارى ەنشٸلەسە, ەكٸنشٸ جەنە ٷشٸنشٸ ورىنداردى تٷركٸستان قالاسى مەن ورداباسى اۋدانىنىڭ ٷمٸتكەرلەرٸ يەمدەندٸ. قولٶنەرشٸلەر بايقاۋىندا تٷركٸستاندىق شەبەرلەردٸڭ باعى جانسا, سەيگٷلٸكتەر سايىسىندا شىمكەنت قالاسىنىڭ اتبەگٸلەرٸ جەڭٸمپاز بولدى. جۇرتشىلىق نازارىن اۋدارعان قىمىز قۇمارلار بەسەكەسٸنە بارلىق اۋداننان ٶتە ىنتالى ازاماتتار قاتىستى. اسا قىزىقتى ٶتكەن جارىستا 10.5 توستاعان قىمىزدى توقتاماي سٸمٸرگەن ارىس قالاسى, مونتايتاس اۋىلىنىڭ تۇرعىنى الماس جامانقۇلوۆ جەڭٸسكە جەتتٸ. جەڭٸمپازدار مەن جٷلدەگەرلەرگە اقشالاي سىيلىقتار تاپسىرىلدى. سونىمەن قاتار, قىمىز باپتاۋ سايىسىنا قاتىسقان ٷمٸتكەرلەرگە ىنتالاندىرۋ سىيلىقتارى تابىس ەتٸلدٸ.
