Ońtústik óńirine qosh keldińizder degen oblys ákimi J.Túımebaev Ońtústik Qazaqstan oblysy búgingi tańda myqty ekonomıkalyq áleýeti bar, turaqty damyp kele jatqan óńir ekenin atap ótti.
[caption id="attachment_32092" align="alignleft" width="294"]
Samat Myrzalıevtiń fotosy.[/caption]
– Aımaq Orta Azıa, Taıaý Shyǵys pen Eýropa elderin baılanystyratyn joldardyń qıylysynda ornalasqan. Nátıjesinde – shekaralyq saýda-sattyq pen eksporttyq óndiris órkendep, oblysymyzdyń týrısik tartymdylyǵy kóbeıip, tamashalaýǵa kelýshi týrıser sany jyl saıyn ósip keledi. Sondaı-aq, óńirimizdiń jaǵymdy ınvestısıalyq ımıji qalyptastyrylyp, ulǵaıýda. Máselen, ótken jylmen salystyrǵanda týrısik nysandar sany oblysta 31 paıyzǵa ósip, 195-ti qurady. Olarda kórsetilgen qyzmetter kólemi 43 paıyzǵa kóbeıip, 1,7 mlrd.teńgege jetti. Osynyń nátıjesinde bıyl Ońtústik Qazaqstan oblysyna 128 myń týrıs kelse, bul ótken jylmen salystyrǵanda 55 paıyzǵa artqanyn kórsetedi, – dedi J.Túımebaev.
Basqarma basshysynyń aıtýynsha, atalǵan festıvál Almaty qalasynda bastaý alyp, Jambyl oblysynda jalǵasyn taýyp otyr. Odan keıin Ońtústik Qazaqstan oblysynda aıaqtalatyn bolady. Forýmnyń negizgi maqsaty – óńirdegi týrısik salanyń damýyndaǵy ózekti máseleler týraly pikir almasý, sondaı-aq, Ońtústik Qazaqstan oblysynyń ınvestısıalyq múmkindikterin tanystyrý, ınvestısıa tartýǵa qolaıly jaǵdaı jasaý.
Forýmǵa QHR Týrızm boıynsha vıse-mınıstri, QR Mádenıet jáne sport vıse-mınıstri, Týrızm ındýstrıasy komıtetiniń tóraıymy, «Kazakh tourism» ulttyq kompanıasynyń tóraǵasy, «Atameken» UKP ókilderi, sonyment qatar, alys jáne jaqyn shet memleketterdiń týrızm salasynyń kásibı mamandary, týrısik uıymdar, ınvestısıalyq kompanıa ókilderi, jalpy 500-ge jýyq adam qatysýda.
[caption id="attachment_32093" align="aligncenter" width="800"]
Samat Myrzalıevtiń fotosy.[/caption]
Forým aıasynda Ońtústik Qazaqstan oblysyndaǵy týrızm salasy ókilderi men Qytaı, Ózbekstan jáne Qazaqstannyń basqa qalalary arasynda 4 memorandýmǵa qol qoıyldy.
Onda eki jaqty áriptestikti nyǵaıtý maqsatynda «Ontustik Tourism Center» týrısik aqparattyq ortalyǵy qytaıdyń «Salem China» kompanıasymen jáne «Sky Way» týrısikkompanıasymen memorandým túzildi. Budan ózge, Ońtústik Qazaqstan oblystyq kásipkerlik, ındýstrıaldy-ınnovasıalyq damý jáne týrızm basqarmasy men Hataı provınsıasy arasynda memorandýmǵa qol qoıylsa, «Ontustik Tourism Center» týrısik aqparattyq ortalyǵy men Ózbekstannyń týrısik ónimin nasıhattaý ortalyǵy arasynda eki jaqty memorandým túzildi.
Jalpy alǵanda bul memorandýmdar taraptarǵa óz aımaqtarynyń týrızm ónimderin birge damytyp, ınfraqurylymyn salýǵa, ınvestısıa jumyldyrýǵa múmkindik beredi.
Aıta keteıik, mundaı deńgeıdegi is-shara Shymkentte alǵash ret uıymdastyrylyp otyr. Forým óńirdiń týrızm salasyn damytýǵa jáne tájirıbe almasýǵa, ózara tıimdi áriptestikti tereńdetýge jáne sheteldik ınvestorlardy tartýǵa baǵyttalǵan.
[caption id="attachment_32094" align="alignleft" width="420"]
Samat Myrzalıevtiń fotosy.[/caption]
Aıta ketetini, forýmǵa qytaı eliniń týrısik uıymdary asa qyzyǵýshylyq tanytqanyn baıqadyq. Jalpy Ońtústik Qazaqstan oblysyna bıylǵy jyldyń 6 aıdyń qorytyndysy boıynsha 128 myń týrıs kelgen. Bul kórsetkish byltyrǵy jylmen salystyrǵanda 55 paıyzǵa artyq. Forým óńirdiń týrısik jáne ınvestısıalyq ımıjin qalyptastyrýǵa oń áserin tıgizetini sózsiz.
Óz kezeginde oblys ákim Ońtústikke kelýshi týrıserge qolaıly jaǵdaı jasaý maqsatynda 1, 2 jáne 3 kúndik týrısik marshrýttar ázirlenip, atalǵan marshrýtqa 84 tarıhı-mádenı obektiler men tabıǵı oryndar engizilgenin jetkizdi. Sondaı-aq, ol «Uly Jibek joly eskertkishteri» atalymy boıynsha 8 eskertkish ıaǵnı, Saýran, Túrkistan, Sıdaq, Qaraspan, Jýantóbe, Kúltóbe, Otyrar, Bórjar eskertkishteri Ońtústik óńirinde ornalasqanyn aıtty.
QR Mádenıet jáne sport mınıstrligi men Ońtústik Qazaqstan oblysy ákimdigi uıymdastyrýymen ótip jatqan is-sharada týrızm salasyndaǵy áleýetti jobalar tanystyrylyp, olardy júzege asyrý joldary talqylanýda. Sala mamandarynyń basy qosylǵan jıynda sonymen birge Uly Jibek jolynda týrızm ındýstrıasyn damytýdyń ózekti máseleleri men Jibek joly boıyndaǵy týrısik ónimderdi damytý, óńirdiń ınvestısıalyq múmkindikterin tanystyrý jáne ınvestorlardy tartý jaıy qaralmaq. Sondaı-aq, qatysýshylar áleýetti seriktestermen V2V formatynda kezdesýlerge qatysyp, otandyq jáne halyqaralyq deńgeıdegi sarapshylarmen suhbattasatyn bolady. Kelýshi qonaqtar sonymen birge Qazaqstannyń Jibek jolyna arnalǵan fotokórme, «Silk Road Fair» týrısik jármeńkesin tamashalady.
«Ontustik Tourism. Invest 2017» týrısik jáne ınvestısıalyq forým aıasynda qytaılyq delegasıa Túrkistan qalasyna bardy. Oblys ákimi Janseıit Túımebaev bastaǵan top áýeli ulttyq ónerdi tamashalady. Sheteldik qonaqtar halyqtyq kásip pen qolóner buıymdaryn kórip, qazaq ulttyq ánderine tamsandy. Kóne shahar tarıhymen tanysty. Óńir basshysy Túrkistan qalasynyń bıylǵy 2017 jyly túrki áleminiń mádenı astanasy atanǵanyn aıtty.
[caption id="attachment_32095" align="aligncenter" width="800"]
Samat Myrzalıevtiń fotosy.[/caption]
– Túrkistan – qasıetti ári kóne qalalarymyzdyń biri. Er túriktiń altyn besigi bolǵan Túrkistan buryn qandaı mańyzǵa ıe bolsa, búgingi tańda da sondaı. İrgetasy 15-ǵasyrda qalanǵan kesene halyqaralyq IýNESKO uıymynyń tizimine engen. Munda jyl saıyn myńdaǵan týrıser keledi. Aldaǵy ýaqytta birshama jumystar atqaryp, mejeni arttyratyn bolamyz, – dedi Janseıit Qanseıituly.
Odan soń delegasıa toby Qoja Ahmet Iassaýı kesenesine at basyn burdy. Ondaǵy kóne jádigerler men qazaq halqynyń tarıhı tulǵalarymen tanysty. Arnaıy topty bastap kelgen QHR-nyń Memlekettik týrızm basqarmasy tóraǵasynyń orynbasary Dý Szán Ońtústik Qazaqstan oblysynda týrızmdi damytý úshin áriptestik tanytatynyn jetkizdi.
– Kez-kelgen aımaqtyń eń áýeli shyraıyn ashatyn adamy, bul turǵyda men Ońtústik Qazaqstan halqynyń qonaqjaılyǵyna, jyly shyraıly adamdaryna tánti boldym. Bul - týrızmdi damytý úshin asa qajetti faktor. Biz kelisim ornatý úshin elimizdegi árbir aımaqtan týrısik asosıasıalardy, agenttikterdi alyp keldik. Bolashaqta eki el arasyndaǵy jańa avıabaǵyttardy ashýdy josparlap otyrmyz, – dedi Dý Szán.
[caption id="attachment_32096" align="aligncenter" width="800"]
Samat Myrzalıevtiń fotosy.[/caption]
OQO ákiminiń baspasóz qyzmeti
