وڭتۇستىك وڭىرىنە قوش كەلدىڭىزدەر دەگەن وبلىس اكىمى ج.تۇيمەبايەۆ وڭتۇستىك قازاقستان وبلىسى بۇگىنگى تاڭدا مىقتى ەكونوميكالىق الەۋەتى بار، تۇراقتى دامىپ كەلە جاتقان ءوڭىر ەكەنىن اتاپ ءوتتى.
[caption id="attachment_32092" align="alignleft" width="294"]
سامات مىرزالييەۆتىڭ فوتوسى.[/caption]
– ايماق ورتا ازيا، تاياۋ شىعىس پەن ەۋروپا ەلدەرىن بايلانىستىراتىن جولداردىڭ قيىلىسىندا ورنالاسقان. ناتيجەسىندە – شەكارالىق ساۋدا-ساتتىق پەن ەكسپورتتىق ءوندىرىس وركەندەپ، وبلىسىمىزدىڭ تۋريستىك تارتىمدىلىعى كوبەيىپ، تاماشالاۋعا كەلۋشى تۋريستەر سانى جىل سايىن ءوسىپ كەلەدى. سونداي-اق، ءوڭىرىمىزدىڭ جاعىمدى ينۆەستيسيالىق ءيميدجى قالىپتاستىرىلىپ، ۇلعايۋدا. ماسەلەن، وتكەن جىلمەن سالىستىرعاندا تۋريستىك نىساندار سانى وبلىستا 31 پايىزعا ءوسىپ، 195ء-تى قۇرادى. ولاردا كورسەتىلگەن قىزمەتتەر كولەمى 43 پايىزعا كوبەيىپ، 1،7 ملرد.تەڭگەگە جەتتى. وسىنىڭ ناتيجەسىندە بيىل وڭتۇستىك قازاقستان وبلىسىنا 128 مىڭ تۋريست كەلسە، بۇل وتكەن جىلمەن سالىستىرعاندا 55 پايىزعا ارتقانىن كورسەتەدى، – دەدى ج.تۇيمەبايەۆ.
باسقارما باسشىسىنىڭ ايتۋىنشا، اتالعان فەستيۆال الماتى قالاسىندا باستاۋ الىپ، جامبىل وبلىسىندا جالعاسىن تاۋىپ وتىر. ودان كەيىن وڭتۇستىك قازاقستان وبلىسىندا اياقتالاتىن بولادى. فورۋمنىڭ نەگىزگى ماقساتى – وڭىردەگى تۋريستىك سالانىڭ دامۋىنداعى وزەكتى ماسەلەلەر تۋرالى پىكىر الماسۋ، سونداي-اق، وڭتۇستىك قازاقستان وبلىسىنىڭ ينۆەستيسيالىق مۇمكىندىكتەرىن تانىستىرۋ، ينۆەستيسيا تارتۋعا قولايلى جاعداي جاساۋ.
فورۋمعا قحر تۋريزم بويىنشا ۆيسە-مينيسترى، ق ر مادەنيەت جانە سپورت ۆيسە-مينيسترى، تۋريزم يندۋسترياسى كوميتەتىنىڭ ءتورايىمى، «Kazakh tourism» ۇلتتىق كومپانياسىنىڭ ءتوراعاسى، «اتامەكەن» ۇكپ وكىلدەرى، سونىمەنت قاتار، الىس جانە جاقىن شەت مەملەكەتتەردىڭ تۋريزم سالاسىنىڭ كاسىبي ماماندارى، تۋريستىك ۇيىمدار، ينۆەستيسيالىق كومپانيا وكىلدەرى، جالپى 500-گە جۋىق ادام قاتىسۋدا.
[caption id="attachment_32093" align="aligncenter" width="800"]
سامات مىرزالييەۆتىڭ فوتوسى.[/caption]
فورۋم اياسىندا وڭتۇستىك قازاقستان وبلىسىنداعى تۋريزم سالاسى وكىلدەرى مەن جۇڭگو، وزبەكستان جانە قازاقستاننىڭ باسقا قالالارى اراسىندا 4 مەموراندۋمعا قول قويىلدى.
وندا ەكى جاقتى ارىپتەستىكتى نىعايتۋ ماقساتىندا «Ontustik Tourism Center» تۋريستىك اقپاراتتىق ورتالىعى قىتايدىڭ «Salem China» كومپانياسىمەن جانە «Sky Way» تۋريستىككومپانياسىمەن مەموراندۋم ءتۇزىلدى. بۇدان وزگە، وڭتۇستىك قازاقستان وبلىستىق كاسىپكەرلىك، يندۋستريالدى-يننوۆاسيالىق دامۋ جانە تۋريزم باسقارماسى مەن حاتاي پروۆينسياسى اراسىندا مەموراندۋمعا قول قويىلسا، «Ontustik Tourism Center» تۋريستىك اقپاراتتىق ورتالىعى مەن وزبەكستاننىڭ تۋريستىك ءونىمىن ناسيحاتتاۋ ورتالىعى اراسىندا ەكى جاقتى مەموراندۋم ءتۇزىلدى.
جالپى العاندا بۇل مەموراندۋمدار تاراپتارعا ءوز ايماقتارىنىڭ تۋريزم ونىمدەرىن بىرگە دامىتىپ، ينفراقۇرىلىمىن سالۋعا، ينۆەستيسيا جۇمىلدىرۋعا مۇمكىندىك بەرەدى.
ايتا كەتەيىك، مۇنداي دەڭگەيدەگى ءىس-شارا شىمكەنتتە العاش رەت ۇيىمداستىرىلىپ وتىر. فورۋم ءوڭىردىڭ تۋريزم سالاسىن دامىتۋعا جانە تاجىريبە الماسۋعا، ءوزارا ءتيىمدى ارىپتەستىكتى تەرەڭدەتۋگە جانە شەتەلدىك ينۆەستورلاردى تارتۋعا باعىتتالعان.
[caption id="attachment_32094" align="alignleft" width="420"]
سامات مىرزالييەۆتىڭ فوتوسى.[/caption]
ايتا كەتەتىنى، فورۋمعا جۇڭگو ەلىنىڭ تۋريستىك ۇيىمدارى اسا قىزىعۋشىلىق تانىتقانىن بايقادىق. جالپى وڭتۇستىك قازاقستان وبلىسىنا بيىلعى جىلدىڭ 6 ايدىڭ قورىتىندىسى بويىنشا 128 مىڭ تۋريست كەلگەن. بۇل كورسەتكىش بىلتىرعى جىلمەن سالىستىرعاندا 55 پايىزعا ارتىق. فورۋم ءوڭىردىڭ تۋريستىك جانە ينۆەستيسيالىق ءيميدجىن قالىپتاستىرۋعا وڭ اسەرىن تيگىزەتىنى ءسوزسىز.
ءوز كەزەگىندە وبلىس اكىم وڭتۇستىككە كەلۋشى تۋريستەرگە قولايلى جاعداي جاساۋ ماقساتىندا 1، 2 جانە 3 كۇندىك تۋريستىك مارشرۋتتار ازىرلەنىپ، اتالعان مارشرۋتقا 84 تاريحي-مادەني وبەكتىلەر مەن تابيعي ورىندار ەنگىزىلگەنىن جەتكىزدى. سونداي-اق، ول «ۇلى جىبەك جولى ەسكەرتكىشتەرى» اتالىمى بويىنشا 8 ەسكەرتكىش ياعني، ساۋران، تۇركىستان، سيداق، قاراسپان، جۋانتوبە، كۇلتوبە، وتىرار، ءبورجار ەسكەرتكىشتەرى وڭتۇستىك وڭىرىندە ورنالاسقانىن ايتتى.
ق ر مادەنيەت جانە سپورت مينيسترلىگى مەن وڭتۇستىك قازاقستان وبلىسى اكىمدىگى ۇيىمداستىرۋىمەن ءوتىپ جاتقان ءىس-شارادا تۋريزم سالاسىنداعى الەۋەتتى جوبالار تانىستىرىلىپ، ولاردى جۇزەگە اسىرۋ جولدارى تالقىلانۋدا. سالا ماماندارىنىڭ باسى قوسىلعان جيىندا سونىمەن بىرگە ۇلى جىبەك جولىندا تۋريزم يندۋسترياسىن دامىتۋدىڭ وزەكتى ماسەلەلەرى مەن جىبەك جولى بويىنداعى تۋريستىك ونىمدەردى دامىتۋ، ءوڭىردىڭ ينۆەستيسيالىق مۇمكىندىكتەرىن تانىستىرۋ جانە ينۆەستورلاردى تارتۋ جايى قارالماق. سونداي-اق، قاتىسۋشىلار الەۋەتتى سەرىكتەستەرمەن ۆ2ۆ فورماتىندا كەزدەسۋلەرگە قاتىسىپ، وتاندىق جانە حالىقارالىق دەڭگەيدەگى ساراپشىلارمەن سۇحباتتاساتىن بولادى. كەلۋشى قوناقتار سونىمەن بىرگە قازاقستاننىڭ جىبەك جولىنا ارنالعان فوتوكورمە، «Silk Road Fair» تۋريستىك جارمەڭكەسىن تاماشالادى.
«Ontustik Tourism. Invest 2017» تۋريستىك جانە ينۆەستيسيالىق فورۋم اياسىندا قىتايلىق دەلەگاسيا تۇركىستان قالاسىنا باردى. وبلىس اكىمى جانسەيىت تۇيمەبايەۆ باستاعان توپ اۋەلى ۇلتتىق ونەردى تاماشالادى. شەتەلدىك قوناقتار حالىقتىق كاسىپ پەن قولونەر بۇيىمدارىن كورىپ، قازاق ۇلتتىق اندەرىنە تامساندى. كونە شاھار تاريحىمەن تانىستى. ءوڭىر باسشىسى تۇركىستان قالاسىنىڭ بيىلعى 2017 جىلى تۇركى الەمىنىڭ مادەني استاناسى اتانعانىن ايتتى.
[caption id="attachment_32095" align="aligncenter" width="800"]
سامات مىرزالييەۆتىڭ فوتوسى.[/caption]
– تۇركىستان – قاسيەتتى ءارى كونە قالالارىمىزدىڭ ءبىرى. ەر تۇرىكتىڭ التىن بەسىگى بولعان تۇركىستان بۇرىن قانداي ماڭىزعا يە بولسا، بۇگىنگى تاڭدا دا سونداي. ىرگەتاسى 15-عاسىردا قالانعان كەسەنە حالىقارالىق يۋنەسكو ۇيىمىنىڭ تىزىمىنە ەنگەن. مۇندا جىل سايىن مىڭداعان تۋريستەر كەلەدى. الداعى ۋاقىتتا ءبىرشاما جۇمىستار اتقارىپ، مەجەنى ارتتىراتىن بولامىز، – دەدى جانسەيىت قانسەيىت ۇلى.
ودان سوڭ دەلەگاسيا توبى قوجا احمەت ياسساۋي كەسەنەسىنە ات باسىن بۇردى. ونداعى كونە جادىگەرلەر مەن قازاق حالقىنىڭ تاريحي تۇلعالارىمەن تانىستى. ارنايى توپتى باستاپ كەلگەن قحر-نىڭ مەملەكەتتىك تۋريزم باسقارماسى ءتوراعاسىنىڭ ورىنباسارى دۋ سزيان وڭتۇستىك قازاقستان وبلىسىندا ءتۋريزمدى دامىتۋ ءۇشىن ارىپتەستىك تانىتاتىنىن جەتكىزدى.
– كەز-كەلگەن ايماقتىڭ ەڭ اۋەلى شىرايىن اشاتىن ادامى، بۇل تۇرعىدا مەن وڭتۇستىك قازاقستان حالقىنىڭ قوناقجايلىعىنا، جىلى شىرايلى ادامدارىنا ءتانتى بولدىم. بۇل - ءتۋريزمدى دامىتۋ ءۇشىن اسا قاجەتتى فاكتور. ءبىز كەلىسىم ورناتۋ ءۇشىن ەلىمىزدەگى ءاربىر ايماقتان تۋريستىك اسسوسياسيالاردى، اگەنتتىكتەردى الىپ كەلدىك. بولاشاقتا ەكى ەل اراسىنداعى جاڭا اۆياباعىتتاردى اشۋدى جوسپارلاپ وتىرمىز، – دەدى دۋ سزيان.
[caption id="attachment_32096" align="aligncenter" width="800"]
سامات مىرزالييەۆتىڭ فوتوسى.[/caption]
وقو اكىمىنىڭ باسپا ءسوز قىزمەتى
