Sonymen qatar, «Nurly jer» turǵyn úı baǵdarlamasy aıasynda oblysta qurylysy josparlanǵan 231 nysannyń jyl sońyna deıin 115-in paıdalanýǵa tapsyrý mejelengen. Al aǵymdaǵy jyldyń basynan 1-qarashaǵa deıin 61 nysan paıdalanýǵa tapsyrylǵan. Qalǵan 54 nysan jyl sońyna deıin paıdalanýǵa berilmek. Sondaı-aq, Shymkent qalasynda bıyl 201 turǵyn úıdiń qurylysy júrgizilýde.
«Aıta keterligi, Shymkentke jalpy quny 22,5 mlrd. teńgege 46 turǵyn úıdiń qurylysy júrgizilýde. Onyń ishinde ákimshilik-iskerlik ortalyǵynda 32, arendalyq 16, dál sondaı nesıelik 16 turǵyn úı salynýda. Budan bólek «Shymkent sıtı» shaǵyn aýdanynda jalpy 14 turǵyn úıdiń qurylysy júrgizilip keledi», - dedi Ábilseıit Rabaev.
Sonymen qatar, «Turǵyn úı qurylys jınaq banki» AQ oblystyq fılıalynyń dırektor orynbasary Aqylbek Qospanovtyń aıtýynsha, atalǵan bank júıesi boıynsha bıyl óńirde 982 páter paıdalanýǵa beriledi. Al 2018 jyly «Nurly Jer» baǵdarlamasy aıasynda oblys ortalyǵy Shymkent qalasynda 2500-ge jýyq páter salý josparlanǵan.
[caption id="attachment_32242" align="alignleft" width="367"]
Samat Myrzalıevtiń fotosy[/caption]
«Ol 3-klasstyq baspananyń sharshy metri 140 000 teńgeni quraıtyn bolady. Jalpy qazirgi tańda oblys boıynsha 57 myńǵa jýyq salymshylarymyz bar. Al olardan jınaqtalǵan soma 27 mlrd. teńgeden asady. Sondaı-aq, baspanany alýdyń tártibine toqtala ketsek, konkýrstan ótken salymshy úıdiń jalpy qunynyń 30 paıyzyn jınaqtaý kerek. Qalǵan 70 paıyzyn bank 5 paıyzdyq mólshermen 6-15 jylǵa deıin nesıege beretin bolady», - dedi Aqylbek Qospanov.
«Nurly jer», «Nurly jol» baǵdarlamalary boıynsha halyqqa turǵyn úıdiń qoljetimdiligin arttyrý barysynda paıyzdyq ústemeler 5 paıyzdan da tómendep otyr.
OQO ákiminiń baspasóz qyzmeti
