سونىمەن قاتار, «نۇرلى جەر» تۇرعىن ٷي باعدارلاماسى اياسىندا وبلىستا قۇرىلىسى جوسپارلانعان 231 نىساننىڭ جىل سوڭىنا دەيٸن 115-ٸن پايدالانۋعا تاپسىرۋ مەجەلەنگەن. ال اعىمداعى جىلدىڭ باسىنان 1-قاراشاعا دەيٸن 61 نىسان پايدالانۋعا تاپسىرىلعان. قالعان 54 نىسان جىل سوڭىنا دەيٸن پايدالانۋعا بەرٸلمەك. سونداي-اق, شىمكەنت قالاسىندا بيىل 201 تۇرعىن ٷيدٸڭ قۇرىلىسى جٷرگٸزٸلۋدە.
«ايتا كەتەرلٸگٸ, شىمكەنتكە جالپى قۇنى 22,5 ملرد. تەڭگەگە 46 تۇرعىن ٷيدٸڭ قۇرىلىسى جٷرگٸزٸلۋدە. ونىڭ ٸشٸندە ەكٸمشٸلٸك-ٸسكەرلٸك ورتالىعىندا 32, ارەندالىق 16, دەل سونداي نەسيەلٸك 16 تۇرعىن ٷي سالىنۋدا. بۇدان بٶلەك «شىمكەنت سيتي» شاعىن اۋدانىندا جالپى 14 تۇرعىن ٷيدٸڭ قۇرىلىسى جٷرگٸزٸلٸپ كەلەدٸ», - دەدٸ ەبٸلسەيٸت راباەۆ.
سونىمەن قاتار, «تۇرعىن ٷي قۇرىلىس جيناق بانكٸ» اق وبلىستىق فيليالىنىڭ ديرەكتور ورىنباسارى اقىلبەك قوسپانوۆتىڭ ايتۋىنشا, اتالعان بانك جٷيەسٸ بويىنشا بيىل ٶڭٸردە 982 پەتەر پايدالانۋعا بەرٸلەدٸ. ال 2018 جىلى «نۇرلى جەر» باعدارلاماسى اياسىندا وبلىس ورتالىعى شىمكەنت قالاسىندا 2500-گە جۋىق پەتەر سالۋ جوسپارلانعان.
[caption id="attachment_32242" align="alignleft" width="367"]
«ول 3-كلاسستىق باسپانانىڭ شارشى مەترٸ 140 000 تەڭگەنٸ قۇرايتىن بولادى. جالپى قازٸرگٸ تاڭدا وبلىس بويىنشا 57 مىڭعا جۋىق سالىمشىلارىمىز بار. ال ولاردان جيناقتالعان سوما 27 ملرد. تەڭگەدەن اسادى. سونداي-اق, باسپانانى الۋدىڭ تەرتٸبٸنە توقتالا كەتسەك, كونكۋرستان ٶتكەن سالىمشى ٷيدٸڭ جالپى قۇنىنىڭ 30 پايىزىن جيناقتاۋ كەرەك. قالعان 70 پايىزىن بانك 5 پايىزدىق مٶلشەرمەن 6-15 جىلعا دەيٸن نەسيەگە بەرەتٸن بولادى», - دەدٸ اقىلبەك قوسپانوۆ.
«نۇرلى جەر», «نۇرلى جول» باعدارلامالارى بويىنشا حالىققا تۇرعىن ٷيدٸڭ قولجەتٸمدٸلٸگٸن ارتتىرۋ بارىسىندا پايىزدىق ٷستەمەلەر 5 پايىزدان دا تٶمەندەپ وتىر.
وقو ەكٸمٸنٸڭ باسپاسٶز قىزمەتٸ
