Jiynǵa qatysýǵa Qazaqstan óńirlerinen bólek, Resei, AQSh, Aýǵanstan, Tájikstan, Qyrǵyzstan elderinen de qonaqtar kelgen. Is-shara barysynda oblys ákiminiń orynbasary U.Sádibekov uiymdastyrýshylarǵa alǵysyn bildirdi.
– Kóshpeli kórme jobasynyń maqsaty – Elbasy N.Á.Nazarbaevtyń táýelsiz Qazaqstandy qurýdaǵy róli men tulǵalyq qasietteri, tiimdi reformalaryn, eren eńbegin jan-jaqty taldap, nasihattaý bolyp tabylady. Elbasymyzdyń táýelsizdik jyldary jazylǵan ǵylymi eńbekterinde elimizdiń jetken jetistikteri men aitýly tarihi oqiǵalary, keleshektegi naqty damý strategiialary aiqyndalǵan. Elbasy eńbekterin oqý arqyly óskeleń urpaq ókilderiniń boiynda iskerlik, basqarýshylyq, patriottyq qasietteri qalyptasatyny sózsiz, – Ulasbek Sádibekov.
Qatysýshylar konferentsiianyń baǵdarlamasyna sáikes álemdik tájiribedegi tulǵa fenomeniniń genezisi; QR Tuńǵysh Prezidenti – Elbasy N.Á.Nazarbaevtyń Qazaqstannyń egemendigi men memlekettiligin nyǵaitýdaǵy róli, Elbasynyń syrtqy saiasi bastamalary – álemdik qaýymdastyqtaǵy Qazaqstannyń halyqaralyq mártebesi men bedelin arttyrý faktory, jańa jahandyq shyndyqtaǵy jańǵyrýdyń qazaqstandyq modeli baǵyttary boiynsha baiandama jasady.
Konferentsiia moderatory, QR Tuńǵysh Prezidenti – Elbasy Kitaphanasy direktorynyń orynbasary Á.Rahymjanov Elbasynyń memlekettik tiimdi damý baǵdarlamasy aiasyndaǵy bastamalary týraly oiymen bólisti.
– Nursultan Nazarbaevtyń tulǵasy 90-jyldardyń basyndaǵy táýelsiz Qazaqstannyń qalyptasý kezeńinen beri barsha jurtshylyqtyń nazarynda ekeni belgili. Sol kezdiń ózinde «Nazarbaevtyń saiasi kóshbasshylyǵy» jáne «Nazarbaev úlgisi» uǵymdary sarapshylar men saiasatkerlerdiń, saiasi ǵalymdar men pýblitsisterdiń qalt jibermes zertteý nysanyna ainalyp, sózdik qorlarynda turaqtady. Memleket basshysynyń reformator retindegi baǵyty, halyqaralyq arenadaǵy teńdessiz bedeli – Elbasynyń qiyndyqtar men kedergilerge tótep beretin saiasi erik-jigeri men strategiialyq daryndylyǵy, alǵa qoiǵan maqsatqa jetýdegi tabandylyǵy men senimdiligi sekildi jeke tulǵalyq qasietterinen aiqyn kórinedi, – dedi Ámirhan Rahymjanov.
Bul pikirlerdi shetelden kelgen qonaqtar da qýattap, óz oilaryn bildirdi. Olar shirek ǵasyrda Qazaqstan keminde 50 jylǵa tatityn damý jolyn bastan ótkergenin, qazirgi tańda qazaq eli kóptegen memleketterge úlgi bolarlyqtai deńgeige jetkenin atap ótti. Bul kórsetkishti kórshi elder Prezidentimizdiń saiasatynyń durystyǵynan dep biletindikterin jetkizdi.
OQO ákiminiń baspasóz qyzmeti
