جيىنعا قاتىسۋعا قازاقستان وڭىرلەرىنەن بولەك، رەسەي، اقش، اۋعانستان، تاجىكستان، قىرعىزستان ەلدەرىنەن دە قوناقتار كەلگەن. ءىس-شارا بارىسىندا وبلىس اكىمىنىڭ ورىنباسارى ۇ.سادىبەكوۆ ۇيىمداستىرۋشىلارعا العىسىن ءبىلدىردى.
– كوشپەلى كورمە جوباسىنىڭ ماقساتى – ەلباسى ن.ءا.نازاربايەۆتىڭ تاۋەلسىز قازاقستاندى قۇرۋداعى ءرولى مەن تۇلعالىق قاسيەتتەرى، ءتيىمدى رەفورمالارىن، ەرەن ەڭبەگىن جان-جاقتى تالداپ، ناسيحاتتاۋ بولىپ تابىلادى. ەلباسىمىزدىڭ تاۋەلسىزدىك جىلدارى جازىلعان عىلىمي ەڭبەكتەرىندە ەلىمىزدىڭ جەتكەن جەتىستىكتەرى مەن ايتۋلى تاريحي وقيعالارى، كەلەشەكتەگى ناقتى دامۋ ستراتەگيالارى ايقىندالعان. ەلباسى ەڭبەكتەرىن وقۋ ارقىلى وسكەلەڭ ۇرپاق وكىلدەرىنىڭ بويىندا ىسكەرلىك، باسقارۋشىلىق، پاتريوتتىق قاسيەتتەرى قالىپتاساتىنى ءسوزسىز، – ۇلاسبەك سادىبەكوۆ.
قاتىسۋشىلار كونفەرەنسيانىڭ باعدارلاماسىنا سايكەس الەمدىك تاجىريبەدەگى تۇلعا فەنومەنىنىڭ گەنەزيسى؛ ق ر تۇڭعىش پرەزيدەنتى – ەلباسى ن.ءا.نازاربايەۆتىڭ قازاقستاننىڭ ەگەمەندىگى مەن مەملەكەتتىلىگىن نىعايتۋداعى ءرولى، ەلباسىنىڭ سىرتقى ساياسي باستامالارى – الەمدىك قاۋىمداستىقتاعى قازاقستاننىڭ حالىقارالىق مارتەبەسى مەن بەدەلىن ارتتىرۋ فاكتورى، جاڭا جاھاندىق شىندىقتاعى جاڭعىرۋدىڭ قازاقستاندىق مودەلى باعىتتارى بويىنشا بايانداما جاسادى.
كونفەرەنسيا مودەراتورى، ق ر تۇڭعىش پرەزيدەنتى – ەلباسى كىتاپحاناسى ديرەكتورىنىڭ ورىنباسارى ءا.راحىمجانوۆ ەلباسىنىڭ مەملەكەتتىك ءتيىمدى دامۋ باعدارلاماسى اياسىنداعى باستامالارى تۋرالى ويىمەن ءبولىستى.
– نۇرسۇلتان نازاربايەۆتىڭ تۇلعاسى 90-جىلداردىڭ باسىنداعى تاۋەلسىز قازاقستاننىڭ قالىپتاسۋ كەزەڭىنەن بەرى بارشا جۇرتشىلىقتىڭ نازارىندا ەكەنى بەلگىلى. سول كەزدىڭ وزىندە «نازاربايەۆتىڭ ساياسي كوشباسشىلىعى» جانە «نازاربايەۆ ۇلگىسى» ۇعىمدارى ساراپشىلار مەن ساياساتكەرلەردىڭ، ساياسي عالىمدار مەن پۋبليسيستەردىڭ قالت جىبەرمەس زەرتتەۋ نىسانىنا اينالىپ، سوزدىك قورلارىندا تۇراقتادى. مەملەكەت باسشىسىنىڭ رەفورماتور رەتىندەگى باعىتى، حالىقارالىق ارەناداعى تەڭدەسسىز بەدەلى – ەلباسىنىڭ قيىندىقتار مەن كەدەرگىلەرگە توتەپ بەرەتىن ساياسي ەرىك-جىگەرى مەن ستراتەگيالىق دارىندىلىعى، العا قويعان ماقساتقا جەتۋدەگى تاباندىلىعى مەن سەنىمدىلىگى سەكىلدى جەكە تۇلعالىق قاسيەتتەرىنەن ايقىن كورىنەدى، – دەدى ءامىرحان راحىمجانوۆ.
بۇل پىكىرلەردى شەتەلدەن كەلگەن قوناقتار دا قۋاتتاپ، ءوز ويلارىن ءبىلدىردى. ولار شيرەك عاسىردا قازاقستان كەمىندە 50 جىلعا تاتيتىن دامۋ جولىن باستان وتكەرگەنىن، قازىرگى تاڭدا قازاق ەلى كوپتەگەن مەملەكەتتەرگە ۇلگى بولارلىقتاي دەڭگەيگە جەتكەنىن اتاپ ءوتتى. بۇل كورسەتكىشتى كورشى ەلدەر پرەزيدەنتىمىزدىڭ ساياساتىنىڭ دۇرىستىعىنان دەپ بىلەتىندىكتەرىن جەتكىزدى.
وقو اكىمىنىڭ باسپا ءسوز قىزمەتى
